Que vai ser dela?
Veciños, que vai ser dela?
Que vai ser dela?
Chamade a Seso Portela.
Naceu polo Sanmartiño
Aló no mesmo Montiño.
En Quintáns botaba un grolo,
Indo pra de don Jacobo,
E o virar pola revolta
Atopouna baixo a costa.
Naqueles anos saudosos
Augas saían dos toxos
Entanto foise apagando
Ata morrer sen máis pranto,
Agora que teño tempo
Buscarei o nacemento
Noite e día cavilaba
No xeito de rematala,
Con Xulio Méndez contaba
Xosé Ramón axudaba,
E cunhas pedras sen rastro
Fermoso quedou seu castro
Sinal da nosa irmadade
Feita solidariedade,
Exemplo da nosa terra
Esta Fonte da Casela,
Xa podemos beber dela
Grazas a Seso Portela
*A Seso Portela, en nome dos veciños de Meiro e das súas xentes pola recuperación da Fonte da Casela
