18 de febrero de 2017
18.02.2017
TRIBUNA LIBRE

O Magosto para agosto

18.02.2017 | 02:34

Xa o cantaba Antón Reixa aló polos oitenta, "O Magosto para agosto". E agora, trinta anos despois, o goberno local de Ponte Caldelas decide seguir os ditados do visionario poeta dos Resentidos e toma unha decisión plenaria sen parangón: o Entroido pasará a celebrarse nos luminosos e cálidos días de xuño.

Así o recollen, sen arrubiar nin un pouco, na páxina oficial do concello. A festa trasládase para o próximo sábado, 10 de xuño, unha data moito máis axeitada, que contribuirá a acentuar a singularidade que sempre tivo esta celebración no municipio, (...), dándolle calor a un evento festivo que ten ao frío e a choiva como habituais inimigos.

Non ten comparanza, pénseno ben. Como é posible que nos empeñemos en manter festas, celebracións e outras pequenas trapalladas tradicionais nos fríos e chuviñentos días da invernía galega? Non é moito máis intelixente eliminalos destes traizoeiros meses e pasalos para o verán, cando ningún contratempo metereolóxico pode impedir celebralos a tope e así poder contemplar a fermosa alameda caldelá convertida nun sambódromo envexa de toda a provincia? Que digo provincia?, do mundo mundial!

E con todas estas vantaxes á vista, chama a atención que no par de miles de anos que ten esta tradición a ninguén se lle ocorrese antes a mudanza a "datas máis axeitadas".

Quizais necesitemos celebrar o Entroido cando toca, entre a despedida do inverno e o introitus da coresma primaveral (de aí, por certo o seu nome); quizais se deba á razón que citou o alcalde na celebración da Virxe das Dores na Insua, porque é importante a "conservación das tradicións como feito identitario dos pobos" ou quizais simplemente porque necesitemos recoñecer e valorar o noso patrimonio para recoñecérmonos e valorármonos a nós mesm@s.

* Profesora do IES Ponte Caldelas

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

CEFERINO DE BLAS

Sierra y el Grial

Desde que escribió "La cena secreta", Javier Sierra entró en el olimpo de los novelistas. Y no...

 
 

PEDRO DE SILVA

Así es (si así os parece)

Muchos se atribuyen la invención del concepto, pero si alguien hubiera inventado la ahora...

 
 

X.L. MÉNDEZ FERRÍN

Manifesto carlista

Non di "España" nunca, senón "las Españas"

 
 

JAVIER SÁNCHEZ DE DIOS

La pandemia

Así que, y no era necesario un profeta para anticiparlo, las mociones de censura...

 
 

MATÍAS VALLÉS

Diez años sin Baudrillard, y se nota

Jean Baudrillard desapareció en marzo de 2007, por lo que...

 
 

JOAQUÍN RÁBAGO

Romper los nuevos monopolios

Tiene toda la razón la dirigente socialdemócrata...

 
 
Enlaces recomendados: Premios Cine