Os camiños da vida

"Cuentos chinos"

09.12.2016 | 04:55
"Cuentos chinos"

Un teórico do posmodernismo falou da fin da era dos Grandes Relatos. Tratábase do uso da ficción histórica para fins políticos baixos. A utilización da narrativa para obter o lucro é parte do oficio dos timadores ou estafadores educados na Universidade Española de Cascorro, que tivo campus estacional na terceira galería de Carabanchel.

A estafa precisa, pois, dun relato e, necesariamente, duns hulais dispostos a tragar o anzó. Por iso, os malandros de Madrid chaman "cuento" á fábula que é libreto de cada un dos timos. Xorde a taxonomía canalla subxenérica: "cuento de las estampitas", "cuento del nazareno", "cuento del pasma full"? Igualmente, os homes de vida pódense arrancar co "cuento chino", de dispoñeren para a escenificación dun consorte ou punto de raza oriental, o cal finxirá ser depositario dalgún enigmático tesouro ou alfaia. Fagan memoria e relembren os "burladores" do relato famoso de don Juan Manuel.

Cóntannos que enigmáticos chineses quérenlle comprar o Celta ao seu actual dono. Este, para salvar o clube, esíxelle á cidade que lle venda a el o campo de fubol de Balaídos, que é de propiedade municipal. O dono do Celta, xa dentro do relato, ameaza a cidade con marchar co clube para as Gándaras de Budiño, ou cecais a Salceda de Caselas.

O dono do Celta, despois de gozar dunha feliz situación na que se vén beneficiando de Balaídos sen lle pagar arrendamento á cidade de Vigo, quer agora ser tamén o amo do estadio para lle extraer el, e por si, rendemento económico pleno senón, o Celta deixará de ser de Vigo. Porque o episodio climático do relato é aquel no que o actual dono di que lle vende o Celta aos chineses. Chineses que ninguén viu pero que se introducen na fábula con perfís terroríficos nos que os máis vellos percibimos os bigotes e o rostro de Fu Man Chu.

Velaí o "cuento chino" aliado coa pantasma do perigo amarelo. En realidade, o que moitos desexamos é que o concello conserve a propiedade do campo de Balaídos e que lle cobre, a un Celta privatizado e con ánimo de lucro, o aluguer xusto.

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

Consecuencias de la falta de aparcamiento

El concejal del PSOE de Cangas, Alfredo Iglesias, no llegó al minuto...

 
 

Alea jacta est, Roma!

YO ROMA, ROMA MÚSICA. Anoche estuve escuchando a la tuna en la Plaza Mayor de Salamanca, pero...

 
 

DANIEL CAPÓ

9 de agosto de 1942

Una regla universal nos dice que, casi en cualquier ámbito, las personas excepcionales son...

 
 

EUGENIO FUENTES

Tácticas nuevas para viejas redes

Los atentados por atropello o apuñalamiento no se inventaron en Niza...

 
 

J.M.EGUILETA*

As pontes sobre o río Miño

A historia dun territorio ten moito que ver coa das súas pontes. Iso lle contaba ao equipo da...

 
 

JOSÉ MARÍA PÉREZ ÁLVAREZ (CHESI)

Veranos

Para Luis Rebolledo El verano es un buen tiempo para recuperar la medida del mundo, salvo que...

 
 
Enlaces recomendados: Premios Cine