Xa haberá tempo de sufrir e de comer nas uñas. Agora o que toca é desfrutar con este pedazo de equipo do Frigoríficos do Morrazo. A este paso ata o mesmísimo Barcelona debería estar a tremer. Que non se confíen demasiado os culés que nunha destas igual o Cangas ata lle pinta a cara e todo. Onte chegou a sexta vitoria consecutiva e este equipo apunta alto. Noraboa aos xogadores e ao corpo técnico.
Non é verán, pero as praias ben querían unha limpeza
Aínda que o verán xa se foi iso non significa que haia que deixar as praias da man de Deus. Unha limpeza para retirar esa broza e residuos, que non son precisamente mariños, non viña mal.
