TRIBUNA pública

Esperamos un chisco máis de xenerosidade

31.08.2015 | 02:09

Van xa aló uns días do pasamento do benquerido Luís Rei, e é loable de gratitude o ofrecemento de pórlle o seu nome á Casa de Cultura de Cambados, tal e como así o acordou o Concello Pleno por unanimidade o xoves pasado, ou mesmamente de que o legado do vate don Ramón Cabanillas vexa a luz mediante a súa exposición pública, como el o desexou; pero sen dúbida Luís Rei é merecente dun algo máis.

Sinceramente creo que o pobo de Cambados está en débeda con el e o estará de por vida. E que maior recoñecemento e xenerosidade por parte do Concello de Cambados que distinguilo co nomeamento de Fillo Adoptivo a título póstumo?

O de menos é quen comece o seu trámite e consecución, ben sexa por iniciativa popular, ben pola formación dunha Comisión ou Plataforma, ou se é o Concello por motu proprio quen o leve adiante. Modestamente entendo que é de xustiza como adiantou o relator da moción, ao incidir nese primeiro chanzo -o pórlle o seu nome á Casa de Cultura- doutros que teñen que vir no futuro, para dar a coñecer o labor, a valía e méritos de Luís Rei de cara ao seu recoñecemento público e difusión por parte das institucións.

Xesús María González adicoulle un libro a Luís Rei.

Compartir en Twitter
Compartir en Facebook
Enlaces recomendados: Premios Cine