ao pé do farelo

Demagoxia

22.06.2014 | 03:35

Acción de conducir ao pobo utilizando planeamentos radicais co fin de mobilizar as masas, fundamentalmente con fins políticos. Etimoloxicamente, do grego demos (pobo) e agein (dirixir), sería por tanto a arte, estratexia ou poder de conducir ao pobo. Na antiga Grecia, berce da democracia, o demagogo era o xefe do Partido Popular, que dende logo non ten nada que ver co PP noso das nosas miserias, pero non deixa de ter graza a cousa.

Dende que na noite do 25M se coñeceran os resultados da opinión da rúa en forma de voto ao Parlamento Europeo, os dous partidos que se reparten a tarta da política e o que tamén quere as sobras deste pastel deixaron e azuzaron os cans que controlan contra esta raiola de esperanza, este sopro de aire fresco que nos trae o grupo Podemos, en medio de tanta podremia e cheiro a merda que nos está a afogar. A acusación principal que usan como argumentario en contra dos postulados de Podemos é: O uso consciente da demagoxia.

Pos ben, imos xogar un pouquiño ao seu xogo de mestres demagogos, deixando claro que non vou usar nin falacias (argumentación que utiliza premisas falsas), nin a manipulación interesada dos conceptos e significados, nin a omisión (obviar interesadamente parte da verdade segundo interese á exposición), nin xogar a tácticas do despiste, no que eles son expertos, nin usar estatísticas fóra do contexto, ao seu antollo, que minimizan ou maquillan a realidade, nin demonizar ao contrincante dialéctico, nin tan sequera tirar do falso dilema, estás comigo ou estás contra min, tal e como fan eles, auténticos demagogos.

Non é demagoxia cuestionar a realidade porque non nos interesa? Pregúntelle ao presidente da Rioxa e ao Sr. Román, deputado no Parlamento Galego, cando argumentan motivos ao peche dos comedores escolares no verán. Non resulta bochornosamente demagogo modificar a EPA,ou usar as listas do INEM segundo interese para avalar a política social e laboral e a taxa de paro real do país. Pregunten á Sra. Báñez ou ao Sr. Presidente do Goberno? Tal vez non son demagoxia pura os argumentos do Sr. Gallardón, á sazón ministro de inxustiza, para colocar as reformas da xustiza universal, o proxecto de lei da suspensión do embarazo ou a reforma da gratuidade da xustiza para todos? Imos esquecernos do da xustiza é igual para todos, porque dá risa, á vista da utilización que se está afacer da posibilidade do indulto por parte do Goberno. E que me contan do ínclito Sr. Wert e o seu argumentario cheo de falsidades, mentiras interesadas, falacias, estatísticas manipuladas, uso e abuso dos dilemas e demonización mesmo do colectivo universitario e da totalidade do escolar, coa súa reforma clasista, sexista e privatizadora, co único fin de acabar co público? E xa non imos falar, para que?, dos argumentos da nosa amantísima ministra de Sanidade, máis interesada nos cartos que na saúde boa ou mala dos que pagamos relixiosamente para o seu sustento. Pero é dura demagoxia, mentira tras mentira, con pleno coñecemento de causa e tan so para acadar os seus fins partidistas, conveñan ou non á maioría. Iso é o de menos.

Despois disto, o programa de Podemos é un xogo de nenos, ao peor unha mentirixiña, "meter mentira para sacar verdade", que din en Estremadura.

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

A vueltas con el congreso del PP de Cangas

Que me tienen loco con el congreso local del Partido Popular de...

 
 

ANXEL VENCE

Vacaciones con mando a distancia

Aunque por la barba y el continente recuerde a un prócer...

 
 

JOAQUÍN RÁBAGO

Los medios no le dan tregua

Los medios de Estados Unidos, tal vez arrepentidos de no haber hecho lo suficiente para evitar...

 
 

ISABEL CALLE SANTOS*

Amor obsesivo como enfermedad

En 1979, la psicóloga Dorothy Tennov, publicó el...

 
 

MANUEL TORRES

El Museo del Mar

Desde hace tiempo unos marinenses, hombres de la mar, se han propuesto conseguir un local, con...

 
 

DANIEL CAPÓ

Plena soberanía

La nueva sensibilidad política que consiste en dejar solo el músculo de la voz del pueblo sin...

 
 
Enlaces recomendados: Premios Cine