Carta á hostalería

Paréceme moi ben a reacción do sector da hostalería ao sentirse, segundo eles, prexudicados pola nova estrutura das festas patronais. Penso que é unha preocupación totalmente lexítima, pero tamén penso que están protestando antes de tempo, sen saber como van quedar definitivamente, nin cal vai ser o resultado final das mesmas. De calquera xeito, se esta preocupación consegue que o sector da hostelería se una, xa é importante. Se, ademais, é para organizar eles as festas, xa me parece fantástico. Pero dame a impresión de que o que pretenden é recoller as patacas mentras o pobo de Lalín tira do arado, e eles so tiran da corda para que vaian os regos ao seu gusto. Sóbralles tempo para facelas. Aínda que o programa está bastante perfilado, de momento non hai nada contratado, polo que aínda poden facelo como máis lles guste. Cos datos que eu teño xuntado, nunha tarde pode estar o programa cerrado. Despois teñen máis de tres meses para facer a recadación. E, malo será, que nos días das festas en que eles estarán ocupados, non atopen parientes ou amigos que se encarguen da organización e supervisión dos distintos eventos. Entendo que unha comisión de festexos debe planificar as festas, pensando nos 20.000 habitantes do concello de Lalín e non no que sexa mellor para un colectivo determinado. Pola miña parte, estarei encantado en cederlles o posto e trasladarlles todas as ideas, datos e contactos que xa fun conseguindo ata o de agora. Tan encantado estarei que, se queren seguir coa Festa da Cuxa, eu consígolles a cuxa gratis. E, se non a fan, dareilles igualmente como cuota persoal, o doble do que dou o hosteleiro que máis dou o ano pasado. Que tampouco é moito. Eu anímoos a que salten ó ruedo e non se queden agochados detras da barreira criticando ós toureiros e ós touros, como se leva facendo moitos anos. Que nos demostren a todos, como se fan unhas boas festas a gusto de todos, e con menos cartos.