tRIBUNA LIBRE

Urbanismo ou barbarie

Gonzalo Constenla Bergueiro*

18.04.2014 | 03:20

A chegada de novas malas novas no que di respecto ao urbanismo da Estrada veñen acompañadas doutras que revelan as verdadeiras intencións da dereita estradense sobre o seu modelo urbanístico. Nada novo baixo o sol. Os nosos sempiternos gobernantes levan decadas pondo en práctica un modelo de desenvolvimento territorial e urbanístico que trouxo funestas consecuencias para o noso concello. E non só en termos de configuración de espazos urbanos e rurais, de destrozo do patrimonio e antisustentabilidade, de ausencia de calidade de vida, de deshumanizacion ou de querencia polo propio. E é que este anuncio que agora chega de varias iniciativas inmobiliarias estaren xa mesmo dispostas a repetir os erros do pasado e de se laiaren dun novo atraso para os seus plans non é máis do que un déjà vu de todos os males que as políticas urbanísticas ultraliberais e curtopracistas trouxeron non só ao noso concello, senón a toda Galiza: especulación do solo, urbanismo depredador, falla de control dos e sobre os poderes públicos, corrupción, encarecimento desorbitado do prezo da vivenda, burbulla inmobilaria, crise e, finalmente, desemprego, pobreza e emigración
Virán agora rosmando que se precisan novas vivendas, cando é evidente o declinio poboacional e o que cómpre son políticas de estímulo ao alugueiro e á rehabilitación; que se crearán máis postos de traballo, cando a realidade nos acaba de mostrar que é todo o contrario; que cantas máis alturas mellor, cando xa sabemos que iso non representa prezos máis baixos pero si menor calidade urbana, convertendo as vivendas e as rúas en gaiolas onde non se ve o sol; que, en fin, os que apostamos no modelo sustentábel non somos modernos nin pragmáticos, cando as nacións europeas máis desenvolvidas e con maior calidade de vida e respecto polo medio ambiente e o patrimonio abofé que o fan.
É certo que moito do mal causado xa non ten remedio, mais aínda estamos a tempo de aprender do pasado e non volver repetir os dramáticos erros cometidos. Claro que xa non lles poderemos legar aos nosos fillos e netos a racionalidade e o sentido común dos nosos antepasados que comezaran a facer da Estrada unha vila agradábel, sustentábel e modernista, en termos paisaxísticos e urbanísticos, pero temos o deber de non a seguir eschapazando e de exixir que, de vez e para sempre, se poña o interese xeral por riba dos intereses particulares, nomeadamente dos dos que queren facer caixa fácil e lucrativa a conta de nos empobrecer, en termos urbanísticos pero tamén económicos, a todos os demais.
*Veciño de A Estrada e ex-concelleiro do BNG

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

JAVIER SÁNCHEZ DE DIOS

La imagen

Probablemente, lo peor de lo que ha ocurrido estos días con el overbooking de visitantes a las...

 
 

Cánovas, Rodrigo, Adolfo y...

Mi amigo Paco García, que vive en Gijón dedicado a altos menesteres...

 
 

ANXEL VENCE

Maridos de la muerte

Enamorados de la muerte ajena e incluso de la suya, los soldados de la Guerra Santa acaban de...

 
 

FERNANDO SCHWARTZ

El horror

La naturaleza de la mezquindad humana

 
 

PEDRO DE SILVA

En la inopia, me temo

¿Estaremos en guerra? Veo la foto de dos soldados libaneses en lucha contra el ISIS...

 
 

FRANCISCO SOSA WAGNER

Sexismo en la música

El regreso de la censura en los bailes de verano

 
 
Enlaces recomendados: Premios Cine