TRIBUNA LIBRE

No día mundial da auga

Raimundo González*

22.03.2013 | 04:10

Pontevedra e a auga son dúas realidades que van historicamente unidas. "Pontevedra da de beber a quen pasa", explica un vello dito, nada casual, que reflexa a importancia que a auga sempre tivo, e está a ter, na vida do noso concello. Hoxe, Día mundial da auga, creo bo recordar o protagonismo que ten na nosa cidade.

Pontevedra goza na actualidade dunha das mellores augas de consumo de Galiza, e do Estado. Ten o privilexo de ter unha captación directa do río Lérez e unha reserva de auga no encoro do Pontillón, que se emprega en contadas ocasións, o que permite compatibilizala con outros usos. Dentro dos complexos sistemas de enxeñería de captación, tratamento e distribución da auga, o sistema de Pontevedra é dos máis respectuosos co medio, cos nosos espazos naturais. A modo de exemplo, a planta de captación atópase nos Salóns do Lérez, espazo incluído na Rede Natura, e o encoro de Pontillón é un parque forestal.

A auga que chega ao grifo dos pontevedreses cumpre rigorosamente os parámetros de calidade que acredita a certificación alimentaria ISO 22000 pola súa inocuidade. Esta acreditación garante os controis analíticos en todos os procesos polos que pasa o suministro de auga potable no abastecemento urbano de Pontevedra e da súa ría.

Tal día como hoxe é preciso recoñecer que a auga é de todos, polo que debe quedar lonxe de calquera desexo privatizador, e ten que continuar sendo un elemento público por ser de primeira necesidade. Lonxe dos réditos ou dos beneficios, só as administracións podemos ofrecer a mellor xestión ofrecéndoa á maior cantidade de persoas posible e en condicións óptimas de consumo. Neso Pontevedra sempre foi responsábel e solidaria.

Facer un uso racional da auga é obriga de todos, son só da Administración. Por iso, quero aproveitar esta data para lembrar o importante que é o seu uso axeitado como elemento esencial para a vida humana, e tendo presente que non todos poden acceder a ela con só abrir o grifo.

* Concelleiro responsábel do Ciclo da auga.

Suscriptor | Opinión

Contenido exclusivo para suscriptores digitales

Consecuencias de la falta de aparcamiento

El concejal del PSOE de Cangas, Alfredo Iglesias, no llegó al minuto...

 
 

Alea jacta est, Roma!

YO ROMA, ROMA MÚSICA. Anoche estuve escuchando a la tuna en la Plaza Mayor de Salamanca, pero...

 
 

DANIEL CAPÓ

9 de agosto de 1942

Una regla universal nos dice que, casi en cualquier ámbito, las personas excepcionales son...

 
 

EUGENIO FUENTES

Tácticas nuevas para viejas redes

Los atentados por atropello o apuñalamiento no se inventaron en Niza...

 
 

J.M.EGUILETA*

As pontes sobre o río Miño

A historia dun territorio ten moito que ver coa das súas pontes. Iso lle contaba ao equipo da...

 
 

JOSÉ MARÍA PÉREZ ÁLVAREZ (CHESI)

Veranos

Para Luis Rebolledo El verano es un buen tiempo para recuperar la medida del mundo, salvo que...

 
 
Enlaces recomendados: Premios Cine