Campo de Granada

Tempo futuro

Manuel Bragado

 08:01  

A pasada semana un dos videoclips máis exitosos de internet foi "El Tiempo Futuro", unha das cancións de "Están ustedes unidos", o segundo disco de Eladio y sus Seres Queridos, o grupo vigués que actuará o xoves na primeira xornada do Vigo Transforma 2011. Parella artística de Germán Fandiño en Tony Lomba & Elio dos Santos e compoñente que foi de formacións independentes como Starlux, Medusa ou The Foggy Mental Breakdown, Eladio Santos (Vigo, 1973) presentará no peirao vigués as cancións deste disco memorable, de son potente, musculoso e agarimeiro, chamado a converterse no máis importante da súa carreira e capaz de abrirlle o interese de públicos diversos.
Entre a ducia de melodías bonitas e voces claras, nas que Eladio relata historias cotiáns interesantes e ofrece reflexións comprometidas, chama a atención "El Tiempo Futuro", un dos himnos máis luminosos e acaídos que se teñan dedicado a Vigo, na liña das mellores achegas de Siniestro Total ou Os Resentidos, creadores da "civilización Vigo" daqueles anos oitenta da salvaxe reconversión naval. Trinta anos despois, esta canción tranquiliña de piano e cordas, de melodía moi amable expresa o carácter austeramente revolcado desta cidade nosa construída co esforzo e a inxenuidade xenerosa da súa cidadanía seguindo o ritmo marcado polas sirenas. "Baixo a chuvia medramos máis fortes", "agardamos ao ano que ven, esa loucura é a que hai que crer" son algunhas das afirmacións de Eladio para expresar esa temperanza tan nosa, ese espírito retranqueiro capaz de estragar un penalti no momento máis decisivo e que a inevitable desolación que iso provoca apenas dure uns minutos e ocupe para o duelo colectivo unhas cantas páxinas no FARO. Como é certeiro o remedio que propón de asumir que, nestes tempos tamén de crise, o "tempo do futuro está aquí", asumindo os riscos de continuar soñando a cidade día a día. Unha proposta de corresponsabilidade moi de agradecer, presente tamén noutros temas como "Eso no es así", "Toneladas de la nada" ou "Están ustedes unidos", que dá título a un traballo no que se reafirma esta mensaxe positiva e agarimeira, esa confianza nas persoas e nas posibilidades de actuar unidas.
Particular interese da proposta de Eladio Santos sobre o Vigo actual ten a peza audiovisual de tres minutos e medio dirixida por Alberto Baamonde e producida por Iria Pinheiro para Zinqin e Esmerarte. Unha marabilla para os ollos, chea de cativos detalles larpeiros para identificar nunha cidade que se presenta luminosa, colorista, dinámica, bonita onde bolen os transportes e a presenza da ría e dos seus portos reclama ese protagonismo que tantas veces se lle roubou. Dende a primeira imaxe ("Arrecende a leña a cidade"), as leiras entre os edificios, inequívoca testemuña do noso carácter simbiótico; pasando polo protagonismo das imaxes da Panificadora, da oliveira do Paseo de Afonso, da desfeita urbanística do Casco vello, da acampada dos indignados da praza da farola (de Galicia), da praia de Samil, da costa da Gran Vía, do estadio de Balaídos, do Castro, dos edificios da Travesía, das latas e dos guindastres de Guixar, dos coches da Citroën en Bouzas, da Guía e das instalacións da ETEA, do intenso tráfico industrial da autoestrada, das procesións dos católicos, dos cruceiristas que nos visitan fugazmente, da dureza do actual Campo de Granada, das lonxas do Berbés, da praza das Travesas, dos xardíns do Pazo de Castrelos, da silueta do Museo do Mar, dos soños do Marco, do edificio de Asefal, das Cíes ao lonxe, o Sireno entre o lusco e fusco, deica as derradeiras e moi fermosa do baile sobre a auga das rapazas do equipo de sincronizada do Náutico debuxando na piscina as estelas do futuro compartido, este vídeo arrecende a salitre e pedramol, unha expresión euforizante do optimismo da vontade ("se é inxenuo, que máis dá"), probablemente unha das estratexias máis eficaces nos tempos difíciles. Son perfís, apenas liñas que definen un macrorretrato da nosa abella da ribeira, esoutra afanosa cidade portuaria atlántica.
Este vídeoclip enfróntanos de forma emotiva co exercicio difícil de determinar cales son os compoñentes da identidade viguesa, unha cidade que sabemos en crise permanente, capaz de facer e refacer a sua fasquía ao longo da súa historia bicentenaria, capaz de soportar durísimas reconversións industriais e os máis mediocres liderados institucionais, mais da que temos dificultade para identificar elementos indiscutibles de permanencia. Eis quizais resida unha das cuestións máis decisivas para a planificación estratéxica que precisamos, ese tempo futuro (metropolitano e en mudanza profunda) no que xa vivimos. A actual crise económica, social e política, unha crise de carácter global obrigará a reformular os proxectos urbanos e os servizos ofrecidos polas diversas administracións locais. Ese é o tempo futuro.

 

Galicia

Gas Natural aspira a construir nuevos parques eólicos en Galicia desde el próximo año

Gas Natural aspira a construir nuevos parques eólicos en Galicia desde el próximo año

El grupo asegura ahora que hay que darse "un respiro" en las subvenciones a las renovables porque...

El litro del gasóleo vuelve a rebasar los 1,10 euros en Galicia por primera vez en cinco meses

El litro del gasóleo vuelve a rebasar los 1,10 euros en Galicia por primera vez en cinco meses

El aumento de los precios sigue imparable desde antes de Semana Santa - Llenar el depósito supone...

El calendario laboral de 2017 mantendrá hasta cuatro puentes festivos

El calendario laboral de 2017 mantendrá hasta cuatro puentes festivos

Con respecto a este año, se cae el 24 de junio como fiesta autonómica -El Día das Letras Galegas...

Rajoy no acudirá a la clausura del congreso del PPdeG en Ourense

Rajoy no acudirá a la clausura del congreso del PPdeG en Ourense

Alega motivos de agenda - Adelanta su visita a mañana para participar en un acto de Novas...

Jorquera renuncia a ir en las listas del BNG en las elecciones autonómicas

Jorquera renuncia a ir en las listas del BNG en las elecciones autonómicas

Lamenta que ha recibido más reconocimiento a su labor en otros partidos que en el Bloque

Enlaces recomendados: Premios Cine