EN DIRECTO

O meu agradecemento ao profesorado

 

ALFONSO ÁLVAREZ CÁCCAMO

Está a rematar o ano de homenaxe a Xosé María Álvarez Blázquez, un ano cheo de esforzos e de afectividade. Un ano excepcional na resposta no mundo da cultura e do ensino en Galiza polo recoñecemento da súa figura como sabio erudito, artista escritor, humanista, editor, arqueólogo, poeta, historiador? Moito mérito este o do mundo da cultura galega no ano das Olimpiadas, da Eurocopa de futbol, do trunfo na Copa Davis, de Obama. Ao cabo, o ano das guerras e das fames deste ano.
Rematan os actos de homenaxe cun Congreso en Tui sobre a súa vida e a súa obra. Tui foi ao longo do 2008 un exemplo de entrega cultural, de boa organización e de cariño, ao cabo, unha cidade agradecida polo legado que Xosé María entregou a toda Galiza.
A Prensa, agás o Faro de Vigo e algún xornal santiagués, apenas falou deste Congreso sobre Álvarez Blázquez. Non me sorprende. Estamos afeitos a que a nosa cultura ocupe espazos minúsculos, infinitamente máis pequenos ca reseña dun gol.
Antes de que remate o ano quero deixar constancia do meu inmenso agradecemento a todas e todos os profesores da Primaria, da Secundaria, do Bacharelato e da Universidade polo seu esforzo e polo seu cariño, por ese traballo extraordinario e vocacional co que se envorcaron nos centros educativos de toda Galiza á hora de homenaxear a un escritor, a un mestre que foi desterrado polas súas ideas políticas á Castela Monolíngüe, daquela un mozo de vinteún anos que malia a traxedia que azoutou á súa familia, perseguida e reprimida con asaño polos fascistas, foi capaz de rabuñar dentro da tristura folgos incansábeis e exemplares para cumprir coa misión transcendente de transmitirlles aos seus alumnos e alumnas a felicidade do coñecemento.

Caja Negra        O Bichero         Floreano
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya