EN DIRECTO

Xosé María Álvarez Blázquez

 

X. L. MÉNDEZ FERRÍN Os traballos de pescuda e interpretación sobre a figura de X.M. Álvarez Blázquez conclúen neste mes de Nadal cun congreso que se celebrará en Tui. Coido que nunca lle fixen saber a aquel erudito e escritor o moito que lle debía a miña humilde e persoal competencia en materia de literatura medieval. En 1952 a editorial Galaxia iniciaba a publicación dunha ambiciosa antoloxía, a Escolma de Poesía Galega, co tomo, preparado por Xosé María, correspondente ao que el chamaba "Escola Medieval Galego-Portuguesa". En 1954, o meu profesor de literatura Francisco Cerviño Gesteira mandoume preparar unha exposición sobre o galego na Idade Media e recomendoume como libro de consulta o de Álvarez Blázquez. Metinme de capitón nas cántigas dos cincuenta e seis trobadores escolmados na colectánea e demoreime na lectura das moi documentadas e rigurosas introduccións a cada autor. Ao terminar a preparación da miña conferencia escolar eu era outro. Decidín, por culpa de X.M. Álvarez Blázquez, que eu ía seguir durante toda a vida movéndome polos territorios da poesía da Idade Media; e cumplín, mal ou ben, ese programa.
O Álvarez Blázquez en quen se centrou este ano a memoria das letras galegas só en parte foi un investigador en materia de literatura medieval. As súas actividades eran múltiples e a súa curiosidade levouno a través dos séculos dun punto de atracción a outro. Por esta razón a súa constitúe unha figura difícil, felizmente, de ser simplificada ou reducida a un tópico dixestíbel. Pero, de todas esas tenzas e leiras eruditas que labrou e fixo froitificar o noso autor, a da investigación na literatura medieval é a que me resulta máis próxima. O canon e xerarquía dos nosos poetas da Idade Media e a súa valoración estética cuase non foron modificados desde que Xosé María os fixou e definiu en 1952.
Era tan profundo o seu coñecemento da poesía medieval que, como é sabido, Álvarez Blázquez foi capaz de argallar unha arlotada literaria que se fixo célebre. Un día dos Santos Inocentes distribuiu un libriño, titulado Cancioneiro de Monfero, que el dicía que contiña diversas composicións poéticas galegas do século XIII mais que, en realidade, eran obra súa. Son tan finas, belas e convincentes estas eruditas falsificacións que moitos lectores ficaron encantados coa descoberta que non era tal. Filgueira Valverde confesoume que estivera a piques de picar (sic) no anzó de Xosé María. Unha luz vermella seica se lle acendeu ao sabio pontevedrés: "Eiquí hai algo raro (pensou) porque o convento, nos documentos medievais, chámase sempre Monfeiro (Monfeyro) e o de Monfero non ten nada de fero senón que constitúe unha flagrante castelanización que os onomasticistas se negan a corrixir". Segundo pensan algúns que pensan con siso, os poemas de Monfeiro de X.M. Álvarez Blázquez son os mellores da escola neotrobadorista galega do século XX.
Destas e doutras moitas cousas falarase no congreso de Tui, esta volta organizado pola Academia Galega da que Xosé María Álvarez Blázquez foi numerario moi destacado.

 

Galicia

Repuntan los gallegos que se someten a terapia por drogas: 11 al día de media en 2016

Repuntan los gallegos que se someten a terapia por drogas: 11 al día de media en 2016

-La mayoría requiere asistencia para desengancharse de la heroína y de la cocaína -La cifra de...

Manuel Núñez: "Me parece mal que se suba la nota para tener derecho a una ayuda"

Manuel Núñez: "Me parece mal que se suba la nota para tener derecho a una ayuda"

Este joven de Boiro no pudo optar a la convocatoria del Ministerio de Educación y recibió una...

El Gobierno reclama a mil universitarios gallegos devolver la beca por incumplir los requisitos

El Gobierno reclama a mil universitarios gallegos devolver la beca por incumplir los requisitos

El Ministerio de Educación obliga a reembolsar la cuantía a alumnos que no superan el 50% de los...

El empleo temporal en las administraciones gallegas alcanza la mayor cifra en seis años

El empleo temporal en las administraciones gallegas alcanza la mayor cifra en seis años

El número de trabajadores con contrato fijo en la Xunta, organismos del Estado, concellos y...

Agricultores critican las ayudas "virtuales" de la Xunta tras los incendios y la sequía

Agricultores critican las ayudas "virtuales" de la Xunta tras los incendios y la sequía

Unións Agrarias denuncia en Santiago el anuncio de "medidas de propaganda que después no llegan a...

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya