EN DIRECTO

Curros á Praza de Compostela

 

X. L. MÉNDEZ FERRÍN

Xustamente ao día seguinte do traslado do monumento a Curros Enríquez desde a Praza de Compostela ou Alameda de Vigo ao pé da muralla da fortaleza do Castro comezou na cidade unha polémica, se ben de ámbito restrinxido e mormente privado. Houbo quen considerou a traslación unha ofensa; a memoria de Rubén Darío que se quería pór por cima do de Celanova. E houbo que non vía, mesmo dentro do galeguismo vigués, con maus ollos que, á portuguesa, se fixese no Monte do Castro unha especie de paraíso das figuras literarias galegas, polo que o monolito a Martín Códax ficaba moito ben con Curros a carón e con outras efixies posibeis de escritores distribuídas entre a fronda, efixies que nunca deron chegado mentres que a Cruz dos "Caídos por Dios y por España" se facía eterna na contorna. Naturalmente eu sempre estiven cos partidarios da primeira postura e formei parte da tendencia que postulaba a reposición de Curros na Alameda acompañada, se fose posíbel, por un acto de desagravio.
Tamén na Coruña se falara de trasladar o monumento a Curros, obra monumental de Asorey, a non sei cal monte. Pro, naquel caso, Otero Pedrayo tomou a palabra e pronunciouse públicamente contra o traslado; houbo queixas múltiples e a cousa ficou como estaba. O traslado do monumento a Curros puido ter sido, e non foi, un episodio moi importante no proceso de desgaleguización e franquización da cidade da Coruña que se inaugurou na era Molina Brandao e que culminou na era Francisco Vázquez. O Concello da cidade da Torre de Breogán, que algúns persisten en lle atribuir a Hércules porque pareza menos nacional, e mais a Academia Galega con sede na Rúa das Tabernas, acaban de conmemorar espléndidamente o centésimo aniversario do enterro de Curros no cemiterio mariño de San Amaro, o que parece indicar que a Coruña comeza a recuperar conciencia das súas responsabilidades galega e democrática.
Con todo á Coruña aínda lle resta moito camiño nacional e democrático por andar en materia de estatuas e de nomenclatura urbana e mesmo sanitaria.
Hoxe non toca falar de Millán Astray nin de Juan Canalejo nin da Coruña, senón de Curros Enríquez e de Vigo. Parece ser que a campaña que levamos coma un cruz ao lombo durante máis de cuarenta anos foi finalmente escoitada polas autoridades municipais de Vigo, que fixeron público o seu propósito de restituiren Curros na Alameda onde o puxera na primeira década do século XX o pobo e a Sociedade "La Oliva", presidida polo nacionalista Manuel Gómez Román. Teño que felicitar a todos os participantes en tan teimuda reivindicación, en especial a quen conseguiu reunir a derraia colleita de asinaturas en favor desta causa política-cultural e que foi Xosé González Martínez.
E felicitar tamén a Gerardo González Martín como autor do texto do documento. Agora imos ver con que dilixencia os poderes municipais compren a súa palabra.

 

Galicia

Gustavo Santos
Investigan si un grupo organizado causó el incendio que arrasó Pazos de Borbén

Investigan si un grupo organizado causó el incendio que arrasó Pazos de Borbén

-La Guardia Civil ve "difícil" que una sola persona plantase fuego en 9 focos en 20 minutos -Entre...

España y Portugal pedirán fondos a la UE para paliar los "enormes daños" del fuego

España y Portugal pedirán fondos a la UE para paliar los "enormes daños" del fuego

Rajoy adelanta que ambos países solicitarán el fondo de solidaridad y agradece la colaboración a...

La Xunta abre una vía legal para limpiar de maleza las fincas sin dueño conocido

La Xunta abre una vía legal para limpiar de maleza las fincas sin dueño conocido

Medio Rural y concellos podrán vender la madera afectada por tareas de prevención en esas parcelas...

Efectivos de extinción y emergencias denuncian descoordinación y piden un mando único frente al fuego

Efectivos de extinción y emergencias denuncian descoordinación y piden un mando único frente al fuego

Medio Rural defiende el manejo del dispositivo y asegura que "el personal nunca es suficiente en...

Alumnos de As Neves condenan el terrorismo ambiental con globos verdes

Alumnos de As Neves condenan el terrorismo ambiental con globos verdes

El fuego arrasó casi el 90 por ciento del municipio nevense el domingo

Los salvadores de Chandebrito

Los salvadores de Chandebrito

- Rubén Rial y Fernando Méndez cruzaron 2 km de carretera en llamas para llevar agua a la...

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine