Rescatemos a palabra feminista

 

Ana Míguez

Creo que dende o primeiro momento que coñecín o sigñificado da palabra feminista reivindiquéime coma tal. Ao longo da miña militancia feminista teño escoitado todo tipo de cualificacións pexorativas dirixidas ás mulleres que así nos reivindicamos e seguímolo a facer; cecais o problema radica nunha mala comprensión do que é o feminismo e o que as feministas promovemos.
Quen somos as feministas e qué defendemos? Moi sinxelo e claro: somos mulleres que consideramos lexítima a igualdade de dereitos entre homes e mulleres e que nos esforzamos por acabar con todo tipo de discriminación por razón de sexo. É posible que isto sexa censurable?
Pero aínda hoxe se nos cualifica de amargadas, insatisfeitas, marimachos, cando non de lesbianas - como se isto fose un insulto- por moitos homes e algunhas mulleres que descoñecen o que ao longo do último século as mulleres feministas fixeron e seguen a facer por todas as mulleres, sen lles ter agradecido os logros acadados a favor de todas nós pois as mulleres podemos votar, obter anticonceptivos, ser nais se queremos, traballar fora do fogar, ter relacións libres, obter unha mellor educación, realizar transacións legais e financieiras, desempeñar cargos públicos ou participar en deportes.
Todo isto ven a colación porque hai poucos días preguntábame, ironicamente un estudante universitario, se o meu compromiso co feminismo foi consecuencia dalgún trauma cos homes; pregunta por outra parte moi recorrente cando non se teñen argumentos xa que a algúns homes altéralles o feito de pensar que poidan perder privilexios. Na súa facultade as mulleres sobrancean pola sua responsabilidade e traballo, a par de seren maioría. Loxicamente non entrei na súa provocación, limitéime a dar argumentos que non lle interesaban pois logo marchou da aula. Que dicir diante dunha pregunta que se están a facer tantos homes e algunhas mulleres sobre as feministas? Desexo personalizar a miña resposta, ainda que creo coincidir con todas as feministas cos meus argumentos.
Son feminista porque agardo que un día non moi distante deixemos de preocupar aos homes e que os seus imaxinarios patriarcais se esvaian, e a nosa revolución lenta e pacífica non precise máis de amos.
Son feminista porque creo que o feminismo representa un dos últimos humanismos.
Son feminista porque me permito pensar en todas as irmáns afganas, ruandesas, camboianas ou iranianas.
Son feminista porque o corpo se me queima cando penso nas nenas que sofren a infabulación e a extirpación do clítoris.
Son feminista porque non tolero a violencia contra as mulleres.
Son feminista, e non son nin amargada nin insatisfeita e gósto moitísimo da liberdade.
Son feminista porque quero aos homes que me rodean.
Son feminista porque ao igual que Virginia Wolf aspiro a que todas as mulleres teñan un "Cuarto Propio".
Son feminista porque, como moi ben dicia Susan Sontang, "a primeira responsabilidade dunha muller liberada e levar unha vida o máis imaxinativa, plena e libre posible, a segunda responsabilidade será ser solidaria coas mulleres".

Caja Negra        O Bichero         Floreano
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya