ÚLTIMA HORA

Ricardo Varela, Secretario de Organización do PSdeG-PSOE: "Temos sobreoferta de compañeiros preparados para estar na executiva"

 
Ricardo Varela, ayer, en el lugar donde se hará el congreso. / Xoán Álvarez
Ricardo Varela, ayer, en el lugar donde se hará el congreso. / Xoán Álvarez 

"Non son un home de José Blanco, eu son un home do Partido Socialista"

XERARDO PORTO / SANTIAGO Ricardo Varela é o home que manexa o aparato do PSOE galego. É o número dous e toda parece indicar que o seguirá sendo, ainda que el di que está a disposición de encaixar no sitio que sexa.
- O debate de quen vai estar na dirección anula o das ideas?
- Son debates que sempre van en paralelo.
- Sairá o partido reforzado pase o que pase?
- Sí, seguro, porque o partido chega ao congreso máis forte que hai catro anos: con máis afiliados, máis agrupacións locais, máis alcaldes, máis representación autonómica... Este é o congreso da consolidación do proxecto do PSdeG-PSOE.
- Ese maior peso institucional fai que sexa máis difícil repartir os postos na Executiva?
- Indudablemente temos sobreoferta de compañeiros preparados para estar na dirección, e iso fai que a selección sexa máis dificultosa. Hai moitos compañeiros capacitados.
- O principal problema son as cuotas territoriais?
- O congreso do PSdeG non é de cuotas, aínda que a xente nace e vive nalgún sitio. É un congreso de escoller as mellores capacidades e as mellores disponibilidades.
- A estructura do partido é mellorable?
-Na vida todo é mellorable, e este partido aspira a facelo. Queremos ser a forza preferente e queremos mellorar máis. Queremos ser un partido que chegue con máis facilidade aos cidadáns nas súas mensaxes, que posicione os seus plantexamentos con claridade, máis afiliación, máis presenza nos municipios...
- Entón en que falla?
- Non falla nada, pero a estructura sempre se pode reforzar máis e mellorar. A mellor evidencia de que non falla é que o PSdeG é a federación de España que máis medrou nos últimos catro anos.
- Esa critica dos militantes de que se solapa a labor da Xunta coa do partido, non perxudica?
- Non, non. Qué militantes? Houbo algunha consideración nese sentido dun grupo de 9 militantes sobre 500, e iso é o que representan. Respeto todas as opinións, pero este partido é hoxe máis forte, moi pegado á militancia, e ten dúas funcións con respecto ao Goberno: nutrilo de propostas e ideas e ser voceiro das actuacións do propio Goberno.
- Nutre de ideas pero non de todos os cargos, outra queixa.
- O Goberno, aquí e en calquera lado, non é constituido exclusivamente por militantes. Hai xente do entorno do partido, que tamén enriquece ao Goberno. Pero a base é o propio partido, o presidente e a maioría dos cargos, aínda que estamos sempre abertos a incorporacións.
- Cantos formarán ese núcleo duro que terá a executiva?
- O que terá será unha comisión permanente da propia executiva, que trate con máis frecuencia os asuntos do día a día, para que na propia executiva queden residenciados máis os debates de carácter político e nesa comisión máis as cuestións de carácter operativo.
- O número tres será unha muller, por imitación ao modelo de Ferraz?
- O que lle podo dicir é que o número un será Touriño.
- Todo está a expensas do que diga o secretario xeral ou deixáse aconsellar?
- É o noso modelo: o modelo congresual di que no primeiro día se elixe o secretario xeral e se lle solicita que propoña unha dirección, que é o que se fai o segundo día do Congreso.
- É unha decisión persoal?
- É unha proposta persoal, pero lóxicamente o secretario xeral escoita e consensúa coa organización a mellor proposta para a organización. É unha proposta feita polo secretario xeral despois de escoitar á organización.
- Non lle gustaría ser vicesecretario xeral como José Blanco?
- Non teño especial querencia por ese posto. O partido se ten desenvolvido con eficacia estes catro anos, e eu estou a disposición do partido e do secretario xeral para encaixar no posto en que poda ser máis útil.
- Non se sentirá frustrado se non ascende?
- En abosluto.
- Sempre se di que é o home de José Blanco en Galicia...
- Non, eu son un home do Partido Socialista, sempre o fun. E son o secretario de Organización do PSdeG, e polo tanto unha persoa que traballa día a día co secretario xeral.

  HEMEROTECA
Caja Negra        O Bichero         Floreano
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya