O secretario xeral de CIG, Suso Seixo, reclámalle aos candidatos que "procuren poñerse de acordo, pero sempre pensando nos intereses da clase traballadora e das nacións que compoñen o Estado". Daríalle a benvida a un pacto que derrogue as reformas laborais e a Lei Mordaza, que remate co recorte de dereitos e promova o emprego. Ao seu xuízo, deben gobernar quen reúnan máis apoios dos deputados elixidos.
