Elecciones en Galicia 2016

Elecciones gallegas 2016 | Manolo Abalo Costa: "Non debería haber máis dunha opción de esquerdas para derrotar ao PP"

"En Galicia aínda non hai o nivel de conciencia social sobre o dereito de autodeterminación"

23.09.2016 | 11:36

Leva case catro décadas como concelleiro en Cangas e algúns máis de militancia política activa. Ten sido candidato nas municipais, autonómicas, estatais e europeas. Agora forma parte da lista por Pontevedra de En Marea, que busca ser decisiva no goberno da Xunta.

-Vostede agardaba estar máis arriba na lista, que dominan os membros de Podemos sobre os de Anova, da que forma parte...

-Non tiña máis expectativas porque non busco un posto. Nunha proposta de unidade popular é coherente que estean representadas todas as sensibilidades, pero penso que ao nacionalisno galego correspóndelle máis protagonismo.

-Pois non o din as enquisas nin o panorama político, que non se parecen aos de Cataluña ou Euskadi.

-A burguesía vasca e catalana impiden o terrible fenómeno do PP que temos aquí. E tamén aquí a esquerda nacionalista equivocouse ao non apostar pola unidade popular e debilitouse por falta de coherencia. Buscaron o chiringuito partidario en perxuízo dos intereses sociais e a defensa das clases traballadoras. E iso, sen dúbida, estalle pasando factura ao BNG.

En Marea defende o dereito de autodeterminación. Pensan reclamalo entre as prioridades?

-O dereito a decidir e gobernar a nosa terra é un debate que sempre está aberto, pero ten que ser unha decisión colectiva e necesita un proceso de maduración, porque aquí aínda non hai o nivel de conciencia doutras nacións. Así somos o farolillo rojo na liga española e Feijóo segue como monaguillo das decisións de Bruxelas e Madrid.

-Segue a ser a opción máis valorada polos votantes...

-Os partidos hai que xogalos, ainda que estalles funcionando a política do medo que nos leva a un suicidio colectivo con precariedade, miseria e emigración. Por iso En Marea pide tomar conciencia, porque catro anos máis do PP poden ser demoledores para a sociedade.

-Algunha culpa terá a oposición de non dar alternativas.

-Certo. Hai que facer autocrítica polo mal que o está a facer a esquerda, que debe traballar máis para a derrota do PP ou reinventarse e xuntarse,porque a unidade popular pode ser imperfecta pero é necesaria. Non se entende como hai máis dunha opción de esquerdas frente ao PP, que aglutina a dereita.

-Os encuestas.html' target='_blank'>sondeos apuntan que En Marea pode dar o sorpasso, e sería determinante se o PP non goberna.

-Repito que os partidos non se poden dar por gañados a priori, porque os demais tamén xogan. En Marea representa a proposta de cambio máis ambiciosa, pero esa idea necesita maduración. Só se se traballa na mesma dirección e se é coherente cos sectores máis desfavorecidos pode haber resultados e solucións. Sería un paso de xigante eliminar ao PP do poder e librarse das súas políticas nefastas formando un goberno cun programa de cambio profundo e evitando repetir erros.

-Que aportaría a experiencia de Cangas a esa alternativa?

-A vía iniciada con ACE [Alternativa Canguesa de Esquerdas] é novedosa e recoñecida porque esa experiencia proxectouse en AGE e logo a En Marea, marcando o camiño para avanzar na unidade popular, que hai que mellorar e perfeccionar para derrotar a dereita.

-Cre que estes resultados electorais á Xunta poden influír no goberno do Estado?

-Deberían servir para abrir un proceso de normalización política. En Navarra enténdense o PNV, Podemos e EH-Bildu. En Galicia, En Marea, o PSOE e o BNG. Por que non se pode formar en Madrid un goberno do PSOE, Podemos e os nacionalistas para desbancar ao PP? Sería unha opción progresista, avanzada e axeitada para resolver o problema territorial. Se o dereito a decidir se recoñece en Canadá ou Gran Bretaña, por que non aquí?

-En Podemos, Iglesias defende dar medo aos poderosos e Errejón seducir á maioría social. E vostede?

-Eu son de Beiras [ri]. A miña práctica é estar cos sectores máis golpeados e poñer entre a espada e a parede aos corruptos e ladróns.

Compartir en Twitter
Compartir en Facebook

Elecciones en Galicia 2016

Feijóo promete más renovación en el PP y captar a los votantes que quedaron ´huérfanos´

Feijóo promete más renovación en el PP y captar a los votantes que quedaron ´huérfanos´

"El sentidiño galaico está moviendo los cimientos del PSOE", asegura el líder del PPdeG

Felipe González tras el peor resultado del PSOE en Galicia: ´Este no es el camino´

Felipe González tras el peor resultado del PSOE en Galicia: ´Este no es el camino´

El expresidente socialista quiso "felicitar a Núñez Feijóo -que ganó- con un resultado clarísimo"

La dirección provincial del PSdeG-PSOE esgrime el varapalo en la capital para exigir responsabilidades

La dirección provincial del PSdeG-PSOE esgrime el varapalo en la capital para exigir responsabilidades

Santos Héctor destaca que en Pontevedra, al igual que en Vilagarcía en donde el partido apoyó las...

El Partido Popular trabaja ya para asumir unas terceras elecciones generales

El Partido Popular trabaja ya para asumir unas terceras elecciones generales

"Existe esa posibilidad" por lo que "trabajamos con esa variable", manifestó el presidente...

El PP arrasa en Ponte Caldelas pese a las críticas de su alcalde de ´discriminación´

El PP arrasa en Ponte Caldelas pese a las críticas de su alcalde de ´discriminación´

En la mesa que votan los vecinos de Laxoso, convocados este sábado a una manifestación por la...

Enlaces recomendados: Premios Cine