20 de febrero de 2017
20.02.2017
campo do fragoso

Celta reactivo

20.02.2017 | 01:47
Planas supera a De las Cuevas, no partido de onte en Balaídos. // Marta G.Brea

Diante do Osasuna o Celta de Eduardo Berizzo demostrou ser un equipo reactivo. Tras a inapelable eliminación de Copa diante do Deportivo Alavés, despois dos nefastos derradeiros minutos do domingo pasado no Vicente Calderón, á que se uniu a actuación decepcionante en Balaídos do xoves fronte os ucraínos do Shakhtar Donetsk (tres derrotas consecutivas moi axustadas, polo tanto moi dolorosas), existía o perigo de que o Celta esvarase por vieiros tan perigosos como son os da melancolía e o desánimo. Por ventura non foi así. A versión B do equipo de Berizzo demostrou contar con enerxía, confianza, oficio e gol abondos para vencer con claridade a un cadro navarro que non soubo aproveitar as súas oportunidades.

Foi o de onte un Celta reactivo que apostou por un fútbol máis directo do que adoita, procurando atopar con velocidade as costas dos tres centrais navarros. Unha versión do xogo pouco habitual interpretada por unha trepia atacante inédita, Bongonda, Rossi e Pione Sisto, tamén os protagonistas do gol temperán, no minuto 22, determinante do devir do partido. Unha xogada de tiraliñas, iniciada na esquerda pola velocidade do belga, que pasou ao italiano, situado no centro da área, para que este cun taconazo de fantasía filtrase de costas ao dinamarqués que tivo a serenidade de canear ao seu marcador e logo xutar ás redes sobre o pao dereito. Un gol magnífico de composición e de resolución que abriu uns bos minutos de xogo celeste. Pouco despois, recuncou na área Rossi nunha xogada pola banda esquerda finalizada tras varios caneos cun xute chapado polo porteiro Sirigu. E pouco máis se pode contar de fútbol atacante celeste nunha primeira parte de aborrecible centrocampismo, no que os visitantes nos minutos finais chegaron a pechar aos celestes diante da portaría de Rubén.

Comezou o segundo acto cun Osasuna moito máis determinado e afouto. Sergio León puido nivelar a táboa de marcas no minuto 50 cun gran xute respondido por Rubén coa mellor parada do serán. Oportunidade que repetirían pouco despois Miguel Ángel de las Cuevas cun disparo dende o punto de penalti e Oriol Riera cunha cabezada, tras un saque de recanto, que lambeu o pao dereito. Os navarros tiñan moito máis intención ca acerto. Xaora, o partido esvarou por uns minutos de incerteza, onde comezaron os ires e vires que tanto dano lle fan aos celestes. Desta volta Berizzo non dubidou en mover o banco decontado e deu entrada na lameira a Jozabed, que con media hora por diante deulle a volta ao carpín. Co sevillano o Celta recuperou acougo e chegada, que se incrementaría notablemente coa incorporación de Iago Aspas faltando apenas un cuarto de hora.

Cos dous artistas sobre a lameira chegaron os goles. No 86, Jozabed cabezou un saque de recanto do Chelo Díaz, que o porteiro navarro non puido evitar que se coase preto do primeiro pao. Apenas dous minutos despois o mediocampista sevillano serviu de marabilla unha pelota longa en diagonal sobre Aspas para que correse con ela pola banda esquerda e superase ao porteiro na area cun globiño de precisión, auténtica marca da casa. Toda unha xenialidade do Merlín de Moaña que pechaba unha táboa de marcas, quizais un pouco avultada para o xogo que onte ofreceron uns e outros.

Abofé que non foi este un partido gañado polo fútbol de salón que tanto presta en Balaídos. Pola contra, abondaron unha defensa moi sólida, dúas contras veloces e un saque de recanto para superar aos rochosos centrais navarros. Outra versión do xogo moi ben executada pola versión B do cadro de Berizzo. Unha demostración de versatilidade e confianza nas propias posibilidades que nos permiten enxergar con certo optimismo o dificilísimo partido do xoves en Ucraína.

stylename="070_TXT_dep_dcl_03">bretemas@gmail.com

Compartir en Twitter
Compartir en Facebook

Celta de Vigo

Caballero espera abrir Río para el próximo partido en Balaídos

Caballero espera abrir Río para el próximo partido en Balaídos

"El error no es imputable al Celta, ni al Concello ni a la adjudicararia", asegura

El Celta-Atlético, sin grada de Río

El Celta-Atlético, sin grada de Río

El Concello cierra el graderío en obras al advertir de que "no se puede garantizar la seguridad"...

Unzué: "Es mejor tomar una decisión así si hay problemas de seguridad"

Unzué: "Es mejor tomar una decisión así si hay problemas de seguridad"

El entrenador del Celta considera "negativo" para su equipo la ausencia de los aficionados de la...

Pablo Hernandez, el "Tucu": "Los grandes equipos también nos temen"

Pablo Hernandez, el "Tucu": "Los grandes equipos también nos temen"

El internacional chileno confía en alcanzar la UEFA recuperando parte del terreno perdido ante los...

Un Celta de trazo escultural

Un Celta de trazo escultural

FARO une la imagen de la plantilla céltica con dibujos del humorista gráfico Luis Davila sobre...

Deportes

El Barcelona supera al Málaga y se mantiene líder de LaLiga

Los de Valverde abrieron la lata en el minuto dos mientras el Málaga se mantiene como colista

El Flic Flac asombra en el Europeo

El Flic Flac asombra en el Europeo

Quinta plaza viguesa en la final de equilibrio: "Ya hemos hecho más de lo que imaginábamos antes...

El Valencia inflige una contundente derrota al Sevilla

El Valencia inflige una contundente derrota al Sevilla

Los andaluces han recibido nueve goles en apenas cuatro días, cinco de ellos en la Europa League

El Frigoríficos juega en Artaleku sin David Iglesias

Reconectarse a la competición liguera y sumar dos puntos que lo situarían en una privilegiada...

 Ni Levante ni Getafe salen de su mala racha

Ni Levante ni Getafe salen de su mala racha

Ambos empataron a un gol en un partido sin apenas juego vertical y con más errores de lo habitual

El Betis gana con comodidad a un endeble Alavés

El Betis gana con comodidad a un endeble Alavés

Los sevillanos vencieron con comodidad a un Alavés que solo ha ganado hasta ahora un partido


Buscador de deportes

Enlaces recomendados: Premios Cine