Hoxe xa haberá que probar

Pasou a crono, e a cousa foi máis ou menos ben. Son as diferencias que me esperaba, e se as pernas me responden é posible recuperalas tendo en conta as etapas de montaña que nos quedan por diante.
Onte pasei unha mala noite, as dores pola caída siguen molestándome para durmir. Eran as catro e media da mañá e aínda non pegara ollo. Por sorte, puiden descansar pola mañá un par de horas que foron importantísimas. Decidín non ir a inspeccionar o circuito ás nove cos meus compañeiros, e quedei descansando. Aquí si non descansas non tes nada que facer.
Do tema da caída xa estou casi recuperado. Agora teño unha pequena molestia no tendón de Aquiles da perna contraria, debido ó sobreesforzo ó que sometín a toda esa parte do corpo de maneira incosciente. Non quería forzar a zona lesionada, e nesto do ciclismo si cambias un pouco a postura habitual o corpo xa o nota.
As sensacións foron mellores que as de onte (por el viernes), que tivera un día realmente malo, como vos contei. Non houbo demasiadas sorpresas entre os favoritos, pero sí algúns que o fixeron mellor e outros peor do esperado. Non pensaba que Samuel iría tan ben. Cando me doblou no kilómetro 16 dixen ¡coño!, pero Álvaro (Pino) desde o coche xa me avisou de que ía marcando os mellores tempos, e me tranquilizou. Era un circuito moi técnico, e iso lle favoreceu moito. Outros como Basso, por exemplo, non estiveron como eu pensaba, e tampouco Xavi Tondo. Evans non estivo súper, e Valverde marcou o tempo que todos pensabamos dende un principio.
De cara a etapa de mañá (por hoxe) temos varios homes ben clasificados na xeral e podemos actuar de moitas maneiras. Eu, si me responden as forzas, terei que probalo. Esperarei á subida a Aitana, porque as demais non teñen a dureza necesaria. A xente vai chegar alí madura, porque é unha xornada con moitos portos que se pode facer dura. Moito sube e baixa, e se espera chuvia, que a min me vai moi ben.
O perigo deste tipo de días son as caídas, porque nestas carreteras a nada que tocas o freo parece que en lugar de parar vas máis rápido, haberá que ter coidado.