O primeiro acto organizado pola Real Academia Galega con motivo do Ano Casares terá lugar este martes no colexio nigranés que leva o seu nome, o de Vilariño. O seu presidente, Xesús Alonso Montero, presentará alí a nova edición da "Primavera das Letras", proxecto co que fornecerá a comunidade escolar de recursos didácticos para achegar o público máis novo á figura e á obra do escritor ao que se lle adica este año o Día das Letras Galegas.
A vinculación do autor universal da literatura galega con Nigrán foi clave na elección deste centro escolar para por en marcha o programa de actos. Alí fixou o seu domicilio nos seus últimos anos de vida e alí está enterrado.
O Concello tamén prepara unha serie de actividades para conmemorar o Ano Casares, cuxo acto central oficial terá lugar en Xinzo de Limia, localidade onde naceu, o 17 de novembro. Xa en novembro, a RAG ofrecerá un simposio arredor do literato na Coruña.
