E.G. - TUI
Unha completa e didáctica información e exposición sobre os cabalos que viven nos montes do territorio definido por moitos como terra de Turonia, pódese ollar hasta o día 26 de febreiro no edificio da Área Panorámica de Tui. É unha iniciativa organizada polo IES Terra de Turonio de Gondomar, baixo a dirección de Santiago Veloso.
No acto inaugural foi o primeiro acto no que asistiu Xosé Luís Méndez Ferrín como presidente da Real Academia da Lingua Galega, cunha intervención na que defendeu a divulgación do descoñecido mundo dos curros, cando "forman parte dunha realidade cultural de presencia de cabalos e outros animais nos montes". Destacou o único libro editado sobre esa temática, e tamén a divulgación feita por Benedicto Conde "Bene", que foi xornalista de FARO DE VIGO e o primeiro en dar a coñecer esta antiga tradición que Ferrín vinculou ó condado de Turonia, que "sería bo relanzar", dixo.. O concelleiro de Cultura e primeiro alcalde de Tui, Moisés Rodríguez, precisou que "Tui está orgulloso do seu pasado, presente e futuro cultural." Lembrou o papel director de Méndez Ferrín nas xornadas sobre a figura de Álvarez Blázquez e non esqueceu citar unha agarimosa lembranza a Juan Oliveira, o escultor dos cabalos, xa falecido, "que levou o nome de Tui polo mundo", e parte de cuxa vida e obra se expón nesta mostra.
Santiago Veloso se referiu á exposición como foito do traballo do IES, que se presentou ó certame da Fundación Antón Fraguas do Museo Pobo Galego. "Foi un traballo transversal, coa colaboración de pais que teñen as burras no monte", comentou sobre este patrimonio compartido. O secretario da Fundación Antón Fraguas convidou á comunidade escolar de Tui a que de a coñecer o patrimonio que ten. Entre os convidados asistiron o presidente da Asociación de Burros Fariñeiros, Xaquín González Troncoso e o presidente da Sociedade Hípica de Tui, concelleiros e público.
