BAIXO MIÑO

O Congreso Álvarez Blázquez ábrese en Tui como "foro de reflexión crítica e diálogo"

Recoñécese ao persoeiro como "home que entendeu a este país" cunha "fe firme na nosa nazón"

 

E. GONZÁLEZ / TUI O Congreso Álvarez Blázquez inaugurouse onte como "convocatoria para unha reflexión crítica e diálogo", como así o fixo constar o académico numerario da Real Academia Galega (RAG) Xosé Luís Axeitos, quen recalcou a necesidade de que "este país teña este tipo de convocatorias".
"Xosé María Álvarez Blázquez segue a ser un home que en entendeu a este país", comentou Axeitos sobre o ilustre tudense e ante un auditorio reducido que a primeira hora da mañá concorreu ó acto inaugural deste congreso que se desenvolverá ata o vindeiro sábado.
A delegada provincial da Consellería de Cultura, María Xesús López Escudeiro, fixo fincapé na personalidade do escritor, editor e poeta que "transmitía o seu vencellamento, por contaxio. Transmitía o seu entusiasmo, a fe firme na nosa nazón", describiu.
López Escudeiro lembrou os numerosos actos celebrados ó longo deste ano en lembranza do polifacético tudense. "No caso de Álvarez Blázquez estamos a falar dun testemuño histórico, da coherencia entre vida, obra e ideoloxía. Nunca esqueceu a súa ligazón con Galicia. Estamos a lembrar uns valores", afirmóu. Fixo referencia á dolorosa perda do seu pai e do seu curmán, Alexandre Bóveda, asasinados no ano 36 pola represión franquista.
Por todo iso, para López escudeiro "achegarse a esta figura, para moita xenta, foi facelo a unhas persoas que estiveron a construir un país para todos e todas".
O Congreso de Tui ofrece a oportunidade de coñecer e dar a coñecer as múltiples potencialidades da obra e figura do persoeiro, afondando na cultura e identidade galega.
Xosé Luís Axeitos adiantou que vanse publicar as actas do congreso, "que serán útiles para o país".
O académico Xosé Luís Méndez Ferrín, en representación do presidente da Real Academia Galega, declarou inaugurado o congreso. Antes lembrou ó comité organizador e científico que no final deste ano adicado a Álvarez Blázquez leva adiante o congreso.

Caja Negra        O Bichero         Floreano
Síguenos en...
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya