Jajajaja, faime gracia a pregunta e faime gracia a resposta. ¿Preguntaranlle o mesmo a unha abogaba, a un dentista ou a un cura homosexual?
Fai uns días unha señora pasaba pola porta do teatro no que traballo e me di: "Mira, perdona, ¿aquí hay que pagar?". Déronme ganas de dicirlle "¿E logo a representación dunha boda non hai que pagarlla ó cura?". Ben, xa me estou metendo moito con eles, pobriños, que culpa teñen de que a xente sexa tan ignorante.
A coitadiña da señora dime: "A mí me gusta mucho el cine, pero teatro sólo voy a ver teatro del bueno". ¿Cal é teatro do bo señora? Debía ser cando viña Lina Morgan ó García Barbón, porque tiña pinta de non pisar un teatro en moitos anos. "¿E como sabe si esta obra é boa ou mala?", pregunteille. "Bueno y ¿cuánto cuesta la entrada?" ¿Virá algún día?
Por desgracia éste non é un caso aillado. "¿Pero ahí hacéis teatro de verdad?", díxome outro día unha moza que traballa polo barrio. Non ou, facemos tódalas fines de semana a festa da pata do porco.
Xente!!, que tamén se pode facer teatro do bo e de verdade nun sitio pequeno.
E agora ven a reivindicación. Señores políticos que manexan os cartos de todos, Vigo acolle a Escola Superior de Arte Dramático de Galicia e, como unha billa que non para de gotear, irán saíndo novos actores e actrices con ganas de traballar. ¿Que vai pasar, a TVG vai a acoller a todos? O teatro tamén ten que dar traballo, pero para que sobreviva, cómpre que haxa público, e para que o público asista temos que facer un esforzo para revertir a mentalidade xurásica da xente, que vai só ós teatros "grandes" cando actúan famosos. Desde o colectivo teatral temos que ofrecer espectáculos de calidade que desperten o interese das persoas; os medios de comunicación tedes que apoiar máis as ofertas culturais así como ofrecer máis información, creando unha sección fixa de carteleira teatral (igual que o cine); a Xunta de Galicia ten que aumentar as subvencións ás produccións teatrais e urxe unha campaña publicitaria que estimule á xente a vir ó teatro. Inxenuo de min pensaba que non, pero si, hai que facer ver cal é a importancia do teatro nunha sociedade como a nosa e que cousas aporta ó individuo.
Pois iso, a ver se podemos morrer vivindo do noso traballo. E perdón se mexei moito por fóra.
Mighello Blanco, actor do
Teatro Arte Livre de Vigo - Cangas
AUMENTAR TEXTO »
