Aulas hospitalarias no Álvaro Cunqueiro

12.06.2017 | 03:45

As aulas hospitalarias son unidades escolares ubicadas nun centro hospitalario coa finalidade de atender as necesidades educativas de nenos e nenas que, polas doenzas que padecen, non poden asistir ó seu centro educativo durante un período máis ou menos longo de tempo. E teñen como obxectivo que dito alumnado reciba a atención educativa que precisa coa maior normalidade posible, diminuíndo ó máximo as consecuencias negativas tanto de nivel educativo como de carácter personal que se poidan derivar da súa hospitalización.

Estas aulas deben de cumprir unhas características imprescindibles: ser abertas e flexibles, contemplar a posibilidade de ausencias do alumnado derivadas das especificidades das súas doenzas, unha atención personalizada, ou contemplar a reincorporación do alumnado cando sexa necesario. Ademais, en moitas ocasións, cando o alumnado recibe a alta hospitalaria hai que manter a chamada "atención domiciliaria" no caso de que ese alumno teña que permanecer no seu domicilio sen poder acudir ó seu centro educativo.

Nesta, chamémoslle, modalidade de ensinanza ten un papel fundamental o profesorado que a importe dadas as características propias do alumnado e a necesidade de empatizar co mesmo. Tamén debe coñecer as doenzas do alumnado para ter en conta as posibles implicacións educativas e, como non, manter contactos cos paIs e nais ou titores legais do seu alumnado.

Unha vez que temos alumnos e mestres, necesitamos espazos e/ou aulas. E precisamente falando de espazos, FARO DE VIGO recollía con data 2 de maio una información sobre a situación actual das aulas hospitalarias do Álvaro Cunqueiro que resulta intolerable e vergoñenta. Resulta que se no Hospital Xeral había dúas aulas hospitalarias, no novo hospital só se deseñou unha aula, sen fiestras exteriores, con baños a douscentos metros e sen enchufes para conectar sete ordenadores e unha pizarra electrónica que permanecen sen utilizar despois de ter inaugurado o hospital hai cáseque vinte meses.

Cómpre instar ás Consellerías de Educación e Sanidade a que rematen con esta situación inasumible e que non ten xustificación posible. A Consellería de Sanidade debía ter proxectadas as aulas hospitalarias cunhas condicións que, previo informe da Inspección Educativa da Consellería de Educación, cumprisen os requisitos mínimos requeridos para o pleno e eficaz desenvolvemento da formación do alumnado que as necesita. Asemesmo, non resulta edificante que material educativo permaneza embalado e sen utilizar despois deste logo período de recortes que vimos sufrindo dende o ano 2008 tanto no eido santitario como no educativo.

Resulta sorprendente que transcurrido un mes dende que se coñeceu a noticia, os responsables das Consellerías de Educación e/ou Sanidade non teñan explicado as causas da situación descrita. Este exercicio de opacidade, insultante nun sistema democrático, resulta descorazonador para as familias daqueles nenos e nenas que deberían "disfrutar" das aulas actualmente pechadas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine