31 de mayo de 2017
31.05.2017

FOANPAS: 25 anos na defensa do ensino público

31.05.2017 | 04:55

O pasado día 26 de maio reuníamos no Auditorio do Concello de Vigo xentes do mundo do ensino (mestres, profesorado, nais e pais das ANPA...) xunto con representantes de diversos eidos (político, sindical, cultural, ONG, movementos asociativos, etc.) para celebrar o 25 aniversario do nacemento da Federación Olívica de Asociacións de Nais e Pais de Vigo e a súa bisbarra (FOANPAS), nun acto que contou na súa inauguración coa presenza do Alcalde e da Concellería de Educación do Concello de Vigo e sen representación da Consellería de Cultura, Educación e O. Universitaria.

FOANPAS nace no curso 1991-92 nun contexto educativo muy definido en tanto que a nivel estatal acaba de ser aprobada a LOGSE e comenza a súa progresiva implantación, mentras, a nivel local, o Concello, a través do seu concelleiro Xulio Calviño, está na procura da creación do que será o Consello Escolar Municipal de Vigo (CEMV).

Ten dito o pensador Edgar Morin que moitas veces sacrificando o esencial polo urxente, rematamos esquecendo a urxencia do esencial. Por iso, a federación sempre tivo como obxectivo primordial ou esencial a defensa do ensino público. Na primeira etapa da súa andaina plantexa tamén: a súa preocupación pola mellora da calidade educativa, a potenciación das actividades extraescolares, a mellora das instalacións deportivas dos centros educativos, a mellora da formación de nais e pais, a representatividade das familias nos centros educativos e defendendo a colaboración coas institucións que derivará na sinatura dun convenio de colaboración co Concello de Vigo, convenios que se prorrogarán ó longo do tempo.

Co tempo as reivindicacións irían cambiando e diversificándose: mellora do transporte escolar, comedores escolares, melloras na oferta educativa da cidade (máis bacharelatos, programas de garantía social, Imaxe e Son, etc.), Aulas Hospitalarias (por certo, sen funcionar logo de 15 meses no Álvaro Cunqueiro), mellora na atención a alumnado NEAE, aulas matinais para a conciliación laboral, familiar e escolar, ou a colaboración e aposta por diversos programas educativos (educación en valores, educación non sexista, loita contra o acoso escolar, educación pola paz, ou, entre outros, "Aprender a Convivir" planificado e desenvolvido polo inesquecible Suso Jares).

En definitiva, FOANPAS representou, representa e, estamos seguros que seguirá a representar no futuro capacidade de diálogo, de mobilización, de coordinación, de formación, de reivindicación e de interlocución coas institucións responsables da xestión e da política educativa.

As e os que polo noso traballo no ensino público coñecemos a traxectoria de FOANPAS, temos claro que representa un luxo e un referente. E, posiblemente, esa foi unha das razóns polas que a cidade de Vigo a través do seu Concello lle otorgou a distinción de Vigués Distinguido. E somos moitos os que consideramos que xa é hora de que a Xunta de Galicia, a proposta da Consellería de Educación, faga explícito o recoñecemento do traballo realizado por FOANPAS a prol do sistema educativo galego durante todos estes anos.

Quixera rematar facendo un chamamento para que se recolla nunha publicación o importantísimo labor que FOANPAS ten realizado, desexando que os vindeiros 25 sexan, se cabe, máis fructíferos.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine