23 de mayo de 2017
23.05.2017

Na busca da liberdade

23.05.2017 | 05:57

Desde que chegamos a este mundo necesitamos ter autonomía para camiñar pola vida. Ser libres é un valor innato á persoa. Sen embargo, todos sabemos que é difícil atopar un verdadeiro concepto para que nos leve con bo sentido na conquista da liberdade.

Se consultamos algúns diccionarios podemos ver: "A liberdade é o dereito e posibilidade de poder actuar unha persoa segundo os propios criterios, e de decidir por ela mesma naquilo que lle incumbe, sen estar sometida a imposición doutros".

Os grandes filósofos da historia profundizaron sobre este tema e a clasificaron en tres tipos: física, intelectual e moral. Está última é a pedra de toque do concepto filosófico da liberdade. O libre albedrío do ser humano en canto a facer o que queira só se non perxudica a ninguén no seu facer, xerando accións para o ben común. Esto condiciona a súa vez outro concepto determinante: o poder, que é a capacidade para facer algo, pero suxeito a certas regras e condicións. Neste senso podemos resaltar a Ética, que é o estudio das costumes humanas en canto a se están ben ou mal, o bo ou o malo dunha acción, se está coa verdade ou se minte.

A ética, tan cuestionada nestes axitados tempos, merece unha revisión, non para fiscalizala senón que sirva para o que foi creada: xerar o bo facer da especie humana.

Por todo o devandito hai que concluir que a liberdade absoluta non existe. Podemos dicir que "a miña liberdade acaba cando empeza a dos demais". Chega un simple exemplo para demostrar: eu son libre de poder cantar, pero non o debo facer ás tres da mañá porque desperto a quen ten a liberdade para durmir. A problemática do botellón ven dada pola mala interpretación da verdadeira liberdade, sería outro exemplo. Podemos ser libres sen privar dos dereitos ós outros. É cuestión de educación.

A aprendizaxe desde pequenos para conseguir un equilibrio entre os dereitos e os deberes está na responsabilidade dos educadores e das familias.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine