This is afouteza

"Cando nos albiscou na parada tentou pasar de largo, polo que case nos tivemos que botar á rúa para detelo"

02.05.2017 | 12:03

Teño un amigo que hai uns días se tirou en parapente. This is afouteza. Que o outro día fixo a Vig-Bay ida e volta. This is afouteza. Que o verán pasado fixo o camiño de Santiago. This is afouteza. Que hai un ano celebrou a súa voda por todo o alto. This is afouteza. Que día a día loita nas rúas dunha cidade que non está feita para el nin para a súa cadeira de rodas motorizada. This is afouteza.

Pois ben, este sábado de madrugada a miña parella máis eu acompañabamos a este amigo de regreso á súa casa. O primeiro Vitrasa nocturno N1 cando nos albiscou na parada tentou pasar de largo, polo que case nos tivemos que botar á rúa para detelo. O condutor díxonos que a rampla non lle funcionaba, que mala sorte, que agardásemos polo seguinte que viña en 10 minutos e arrincou. Tras corenta minutos baixo a choiva e o vento, apareceu o segundo Vitrasa, N2 bus 6480. O seu novo condutor dinos que se lle acaba de avariar a rampla. Ante a situación, obrigámoslle a que achegue o bus á beirarrúa para tentar subir a pesada cadeira, 120 quilógramos, como poidamos. Conseguímolo sen a súa axuda, por suposto, e baixo o seu xesto de desprezo e comentarios vexatorios, referiuse ao meu amigo despectivamente como "el de la silla". Finalmente, e tras hora e media, fomos quen de deixar ao noso amigo na súa casa.

Malia que el tomou con humor toda a aventura, eu sentín vergoña e noxo pola situación e non podo imaxinar como se sentiría el ante este acto discriminatorio e todos aqueles que debeu padecer e padecerá na súa vida. Afouteza é a súa, un exemplo de dignidade e de superación a imitar. Moitas grazas Javi.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine