26 de febrero de 2017
26.02.2017

Quen paga as actividades de balde?

26.02.2017 | 06:20

Estamos moi acostumados, sobre todo nas asociacións de veciñas e veciños, a ter un catálogo moi amplo de actividades a custo "0" ou cunha pequena achega (uns cinco ou dez euros o primeiro mes) inicial.

Maioritariamente estas actividades están dirixidas á 3ª idade e ás vogalías de muller. Pero outras moitas veces as A.VV. ou as federacións convocan cursos, actividades, etc. nas que os/as participantes pagan unha cota reducida ou son directamente de balde, e que en teoría dispoñen de fondos por convenios, subvencións ou outras formas de financiamento. Pero as veces tamén ocorre que as entidades non pagan a quen realiza a actividade e que as asociacións se botan fora dicindo que elas non son responsables. A culpa sempre é dos políticos e políticas, do Concello, da Deputación ou da Xunta, pero nunca das responsables e os responsables das asociacións ou das federacións supraasociativas. E o peor é que desgraciadamente estamos tan acostumados ó clientelismo de dádeme e eu me quedo caladiño/a que ninguén pensa nas persoas que traballan nesas actividades, persoas que as veces non cobran e que moitas veces traballan durante meses que dura a actividade e cobran ó final da empresa encargada da actividade pola Deputación, Xunta ou Concello. É dicir, traballas durante tres, catro ou seis meses e cobras ó rematar, porque durante eses meses ti non tes que pagar autónomos, a luz, a auga, os recibos, a comida, etc. A ver se nos acostumamos por favor a cumprir co traballo das persoas. Se imos ó cine ou ó fútbol pagamos antes de entrar, se estás contratado/a cobras cada mes, os políticos/as cobran cada mes ¿non? Pois algúns fixemos traballos xa fai máis de dous anos e de tres para a FAVEC de Vigo en A.VV. da nosa cidade e seguimos sen cobrar, e nos da igual se a culpa é do alcalde ou da presidenta da Federación ou da Xunta de Galicia. Nós o que queremos é cobrar dunha vez, porque a nós se nos dixo que había cartos, non que fora a habelos, e desgraciadamente nin políticos nin asociacións dan ningunha solución, pero iso si á xente tivo a súa formación e actividades subvencionadas e/ou gratis. Pero ¿quen paga as actividades gratuitas?

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine