14 de febrero de 2017
14.02.2017

A festa das árbores

14.02.2017 | 05:44

Nestes días non son bos tempos para as árbores na súa loita con ventos e temporais, moitos foron os que caeron e outros quedaron con danos, outros resisten e ningún vento por moi forte que sexa pode con eles, como a nosa árbore de referencia, o carballo de Santa Margarida, que dobrará cando el queira non polos empurróns dos ventos traizoeiros, outros caeron ou quedaron seriamente danados como os cedros das Palmeiras, sempre a carón da nosa infancia, fogar e refuxio dos estorniños que nos maravillaban cas súas acrobacias nos recreos do instituto.

Non resistiu o tilo centenario que, como un moderno miliario, guiaba os peregrinos camiño de Compostela, era como un faro na Ponte do Burgo. Baixa o Lérez cargadiño de madeira cunha flota de troncos e polas das árbores que caeron nas ourelas e arrastra o río. Tamén o Gafos sufreu o temporal ca perda de moitas árbores que se espelleaban nas súas augas, pero a sorte que ten o Gafos é que tellen a os de Vaipolorio que miran por el e o coidan e asiña o limpan de ramaxes que atrancan as pontes e arranxan os pasos de madeira.

Mágoa dos paxaros a os que o vento tirou os niños e deixounos sen fogar, deume moita pena na casa duns amigos no xardín ver no chan un algarrobo e entre as polas un niño destrozado cos ovos polo chan que xa non agromarán a vida e non alegrarán cos seus rechouchíos a vindeira primaveira. Agardamos que asiña, cando chegue o bo tempo, repoñan todas as árbores caídas.

Xa os nosos antergos entenderon a importancia das árbores nas nosas vidas, e no ano 1895 hai constancia que se celebraban en Galicia moitas festas adicadas ás árbores, e no 1569 Luis de Luaces, alcalde de Mondoñedo, manda que cada veciño acuda ao Campo dos Remedios con tres árbores froiteiras para prantar. Agora nosa xeneración, moito máis preparada e con máis coñecementos, prantamos eucaliptos e enchemos os montes de especies de árbores foráneas e bioinvasores que os desertizan e os despoboan de vida e riqueza. Así nos vai.

É febreiro, cando na nosa cidade entre pedras milenarias florecen os camelios e magnolios, que poñen luz e cor a grisura do inverno, e o monte tíñese de amarelo como xirasois de Van Gogh co florecer das mimosas que, aínda que son bioinvasoras, son moi fermosas en flor.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine