cartas al director

Planificación educativa

04.02.2017 | 05:25

En Vigo produciuse un aumento significativo de poboación nova de alumnado nos niveis obrigatorios (Primaria e Secundaria) e, nun segundo momento, no de postobrigatoria (Bacharelato). Dado que aumentaba a demanda de prazas escolares sen que se modificase a oferta, os sectores implicados, directa ou indirectamente, no feito educativo (anpas, sindicatos do profesorado e do alumnado, directores e claustros de centros públicos, Consello Escolar Municipal, Concellalía de Educación, aa.vv., etc.) plantexaron diante da Consellería a necesidade urxente de modificar a rede de centros públicos na cidade, sen que tal suxestión fose atendida.

Ao iniciarse o proceso de preinscrición para o curso 17-18, a Consellería decide modificar a adscrición do Centro Alfonso R. Castelao do IES A. Bóveda ó IES de Valadares, o cal provoca que ese alumnado pasa a ter que desprazarse 7,5 e 10 kms (segundo vivan na Miñoca ou en Navia). Esa decisión afecta a 150 alumnos de ESO. Esta é a última dunha serie de decisións coxunturais que dificilmente podían solventar o problema estrutural que ano a ano se foi complicando: supresión en 2011 da ESO no Celso Emilio Ferreiro, pasando o alumnado ao Álvaro Cunqueiro nun primeiro momento, para logo compartilo co Alexandre Bóveda, ata que este último instituto non tiña espazo físico para ampliar máis unidades de ESO. É dicir, esperouse a que o mero paso do tempo solventase o problema, cando unha simple ollada á evolución demográfica da Miñoca e de Navia indicaban que había que abordar unha modificación seria e responsable da rede de centros.

Chegados a esta situación, a consellería debería aprobar unha nova rede de centros, despois de escoitar aos sectores implicados. Para esa nova rede de centros deberían terse en conta entre outros aspectos: a construción rápida dun novo IES como prometeu o presidente da Xunta na última campaña electoral autonómica, reducir a ratio alumnado por profesor, a ampliación de profesorado e de especialistas do alumnado de necesidades educativas especiais, a ampliación das prazas de profesorado das aulas hospitalarias, actualización das liñas do transporte escolar (o transporte non pode determinar os horarios dos centros), crear aulas matinais que permitan a conciliación da vida familiar e laboral, etc., partindo da base de que en educación "facer máis con menos" é unha falacia e con tales falacias o único que se logra é o deterioro do ensino público.

Mentres non se elabore a nova rede, o conselleiro débese sentar xa,e sen dilación, a dialogar ata atopar unha solución provisoria dun só curso para as familias que sofren as consecuencias de "componendas educativas coxunturais" que, lonxe de solucionar problemas, o que fan é agravalos, comprometéndose a ter en vigor unha rede en setembro deste 2017.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine