09 de noviembre de 2016
cartas al director

Quen está detrás da creatividade e o deseño?

09.11.2016 | 05:16

O venres 4 de novembro outorgáronse en Galicia os primeiros Premios de Comunicación e Márketing, un acontecemento que pasou de forma discreta en case todos os medios de Galicia, salvo honrosas excepcións -como foi este periódico-.

Os premios, organizados polo Clúster de Comunicación Gráfica, teñen como obxetivo dar a coñecer os mellores proxectos de creatividade e deseño realizados no último ano. Paréceme moi importante recoñecer ás empresas e institucións que apostaron polo deseño e que souberon escoller ao mellor profesional para que comunicase con efectividade os seus produtos, indubidablemente, creo que son os verdadeiros protagonistas. Pero creo tamén que é oportuno, se queremos apoiar o deseño e darlle visibilidade, recoñecer aos que están detrás: aos profesionais do deseño e da comunicación.

Aínda que tento facer o esforzo, non podo imaxinarme uns premios de arquitectura, de cinema, de literatura, de investigación ou de calquera profesión, sen que apareza o autor ou a autora. Imaxínese, a editorial "X" gaña o premio pola obra "Tal", desde logo que non valorariamos o mesmo a publicación, porque o autor/a é unha importante referencia -ao igual que a editorial- para o prestixio e a valoración do produto.

Creo que o deseño, aínda que cotián, é un gran descoñecido para moita xente que, sendo consumidores de publicidade, non se acaba de entender ben o labor dos diferentes profesionais da comunicación, é por iso que me parece unha estupenda ocasión para que os medios poidan axudar a realizar este labor.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 
Enlaces recomendados: Premios Cine