Carbón e cambio climático

20.08.2016 | 05:20

Na mesma semana en que soubemos do aumento das emisións galegas de dióxido de carbono e outros gases causantes do cambio climático durante 2015, fíxose pública a confirmación da decisión de Endesa de prorrogar a vida da súa central de carbón das Pontes por 20 anos máis. Gas Natural Fenosa fará o mesmo coa térmica de Meirama. Ambas as dúas reformaranse para reducir as emisións de dióxido de xofre e de óxidos de nitróxeno e con elas a contaminación local. Mais a súas emisións de dióxido de carbono seguirán a ser moi elevadas, a menos que reduzan drasticamente a produción. Se emitisen anualmente tanto como o ano pasado, a súa achega ao cambio climático medraría en algo máis de 200 millóns de toneladas nas próximas dúas décadas, o que equivaldría á suma das emisións anuais actuais de Bélxica e Grecia.

Despois da adopción do Acordo de París contra o cambio climático, ratifícase o alongamento da vida útil dunhas centrais eléctricas responsables dun terzo das emisións de Galicia, cuxa contribución relativa á crise climática global, en termos de emisións por habitante, apenas se contivo nos últimos 25 anos, e mesmo é superior á europea, precisamente por acoller no seu territorio grandes centrais de carbón, o combustible máis sucio. Desta forma, será practicamente imposible reducir as emisións da nosa terra na medida en que sería necesario para contribuírmos, de acordo coas nosas responsabilidades, a atinxir o obxectivo teórico do Acordo de París de non superar en máis de 1,5ºC o aumento da temperatura media global para así evitar unha mudanza climática perigosa. Algo que a estas alturas xa é moi dificilmente factible. En parte, pola decisión de empresas e gobernos de países como o noso que, podendo prescindir do carbón, non están dispostos a facelo por causa de intereses egoístas e curtopracistas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine