A bandeira española e o celtismo

03.06.2016 | 04:55

A explicación do acontecido en Balaídos non radica exclusivamente nas ideas políticas das persoas que asubiaron á enseña española senón que ten que ver con como sente e vive a afección do Celta os seus símbolos, historia e tradición centenarias. A maioría dos celtistas comparten un sentimento galeguista de apego ao país e á identidade galega. Esta identificación pode ser forte ou feble, banal ou comprometida, latente ou manifesta, pero existe. A identificación positiva con Galiza retroaliméntase coa lealtade ao Celta e aos seus símbolos, os cales pertencen ao acervo cultural da nosa terra.

O nome: os Celtas, o escudo: a cruz de Santiago, as cores: o azul da bandeira galega. Esta coincidencia simbólica fai que unha lealdade reforcé á outra; as persoas que queren ao Celta tamén se identifican con Galiza, e moitas persoas que se identifican con Galiza, consideran ao Celta como o equipo que os representa. Unha forma de sentir o país (como o idioma) é a través dun clube de fútbol. Ese é o principal capital simbólico do Celta, imposible de acadar polo Deportivo.

Neses siareiros galeguistas hai unha parte significativa, non maioritaria pero amplamente representada, que ademáis se sente nacionalista e considera que Galiza é unha nación. Senten desafección ante os símbolos do estado. O seu desagrado non se manifesta só en Balaídos, senón que tamén o fai no dia a dia nos diferentes ordes da vida social, política e cultural. Na medida na que a discrepancia sobre a cuestión nacional perviva na sociedade, tamén estará presente en Balaídos.

A presencia da bandeira española é sentida como unha violación do fogar do celtismo, do seu legado histórico e recinto simbólico. Pero penso que a maioría dos que asubiaron fixérono non porque sexan nacionalistas senón porque entenden que a bandeira española en Balaídos non representa nada que teña que ver co Celta e porque constitúe un elemento de división no seo da familia celtista, igual que o caso Salva Ballesta. Protestaron porque pensan que esa bandeira non contribúe en nada a reforzar os símbolos do Celta, non aportou nin aporta nada á nosa historia e tradición e porque non a necesitamos para que o Celta medre como institución, como equipo ou marca futbolístico-cultural de Galiza.

Se somos un equipo especial e singular é porque temos uns símbolos ligados coa galeguidade. O que nos autoidentifica e fai diferentes aos demais equipos son os eses símbolos únicos e irrepetibles. O hábitat identitario no que o celtismo se reproduce de xeración en xeración. Así o entende e o vive, nun consenso unánime e espontáneo, a maioría dos celtistas, alén das súas ideas políticas.

A bandeira española en Balaídos homológanos e dilúenos no acervo cultural e marco simbólico no que se instalan e reproducen a súa historia o Madrid ou o Valladolid. Para existir necesitamos ser diferentes, ter un espacio simbólico-cultural propio, único, o do Celta de Vigo, o primeiro equipo de Galiza. Un Celta desligado do país e diluído no océano da simboloxía española sería como cambiar a nosa aposta futbolística polo futbol de David Vidal ou Simeone ou como imaxinar ao Athletic sen a canteira, ao Ajax sen o legado de Cruyff ou ao Madrid sen a Copa de Europa.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine