O Campo da Feira

03.04.2016 | 06:31

Eu estudaba na Escola de Maestría, onde agora se atopa o Colexio de Barcelos. Daquela xa o noso patio de recreo foi a praza, lembro cando os días de feira quedabamos abraiados cas transacións dos feirantes co gando, era unha praza chea de vida e de negocio, pois a feira xeraba moita riqueza e no tempo de lecer era o campo de xogos dos pontevedreses e onde se puñan os circos que era o espectáculo de maxia e ledicia que había e nós, os rillotes dos barrios tratabamos de colarnos por debaixo das lonas. No verán, a sombriza das xigantescas plataneiras con torsos como mundos, escoitabamos as novidades musicais dun carrusel de autos de choque que sempre se puña na praza agardando pola revolución que traía a música que viña co vento.

Toda unha xeración de pontevedreses fixemos a mudanza alugando os servizos duns isocarros que aparcaban ó carón da praza, onde tamén había unha empresa de autobuses que facían o servizo a Pontecaldelas, e dous concesionarios de coches. Daquela a praza era un fervedoiro de actividades e punto de encontro das xentes do rural que viñan á cidade a vender ou mercar nos días de feira e xerar riqueza.

De súpeto, un día chegou o Circo do Progreso cun ilusionista que cun truco de maxia fixo desaparecer a feira e todas as árbores centenarias que, cando xogabamos, as agachadas escondíamos tres rapaces detrás dos torsos e os paxaros que aniñaban quedaron sen fogar, como os refuxiados, tamén fixo desaparecer o nome da praza e a nosa infancia e converteu o patio de recreo da cidade na Praza de Barcelos, chea de autos e ruido.

Noraboa pola última reforma da praza, por fin alguén se decatou que unha praza publica é para o desfrute das persoas, para pasear, sentar nun banco a ler e xogar cos nenos no tempo de lecer, sobor de todo que se priorice a seguridade peonil e da comunidade escolar. Canto máis espazo para os xogos e sen autos mellor calidade de vida. Gústame, sobor de todo, porque deulle visibilidade ó muro do convento de Santa Clara, que en tempos non moi lonxanos ata serviu de soporte de vallas de publicidade e que moitos denunciamos sen facernos caso e tivo que visitarnos un arquitecto de sona e decir que era unha aberración para que foran retiradas.

Penso que a Casimiro Gómez, que donou os terreas lle gustaría como quedou, entendería que os tempos mudan e unha feira nese lugar xa non é posibel, alegraríase de que os rapaces da escola do edificio que tamén donou teñan máis espazo e seguridade para os xogos. Mágoa que a unha praza que tiña un nome de denominación popular semellante a outras senlleiras como a da Verdura, Ferrería ou a Pedreira, que nun tempo deu riqueza á cidade, se lle esqueza a súa parte da historia mudándolle o nome polo que sempre foi e aínda o é por xente maior coñecida. Penso que ás rúas e prazas de denominación popular non deberían cambiarlle o nome, eu non teño nada có nome actual sempre que se lle poña a unha praza ou rúa nova. Xa que non é posibel a actividade polo que foi doada, polo menos manterlle o nome polo que supuxo para o desenrolo da cidade Campo da Feira.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine