cartas al director

A ruta xacobea das illas Cassitérides

31.03.2016 | 05:28

Este ano 2016, o Papa declarou o "Ano Santo do Xubileo da Misericordia". Sen entrar en temática relixiosa hai que recoñecer que, dende 1993, o enorme impulso que tiveron as peregrinacións ou, simplemente, facer calquera das diferentes rutas ou camiños xacobeos, converteuse nun fascinante acontecemento que atrae cara a Santiago de Compostela a milleiros de persoas ao cabo do ano.

Temos que agradecer aos diferentes gobernos galegos dende 1993 a revitalización deste evento en todos os seus sentidos, pero coido que unha das Rutas, a Marítima, non foi promovida ni favorecida na medida das posibilidades que ofrece. Ter en conta que, segundo conta a lenda, o corpo do Apóstolo foi trasladado nunha barca de pedra e o seu percorrido, chegado a Galicia, comezou na desembocadura do Miño e chegou a Pontecesures, por que non impulsar esa verdadeira Ruta Marítima? Esta ruta podería dar moito de si e traer cara a Galicia un turismo de calidade que promovería e poría en valor toda a costa que vai dende a Garda ata a ría de Arousa e contribuiría á tan necesaria desestacionalización turística que axudaría á nosa economía.

Sería unha Ruta de navegación con moitos alicientes pois tocaría importantes portos e vilas históricas e naturais. O seu comezo sería na desembocadura do Miño. Enseguida atopariamos o porto da Garda (visita a Santa Tegra e porto gastronómico), deseguida Oia (mosteiro e muíños de Folón) e, xa na entrada da ría de Vigo, Baiona (castelo e parador). Aquí, neste último concello, poderían selarse o primeiro paso.

Dende Baiona temos a posibilidade de navegar pola ría de Vigo e coñecer esta fermosa cidade (visitar a illa de San Simón e os portos pesqueiros de Moaña e Cangas). Rematada esta singradura, navegaremos cara as Illas Cíes e aquí, o nauta peregrino, seguirá a que poderiamos catalogar como Ruta das Illas Cassitérides, pertencentes ao único Parque Nacional galego (Cíes, Ons, Sálvora e Cortegada), visitando na súa derrota a ría de Pontevedra (museo Massó de Bueu, Marín, illa de Tambo, o porto turístico de Sanxenxo e o pesqueiro de Portonovo, sen esquecernos da visita obrigada a cidade monumental de Pontevedra), en Marín selar a segunda parada.

Logo de visitar Ons e Sálvora, navegar pola ría de Arousa visitando as súas pequenas illas (Noro, Vionta, Sagres, Rúa e a interesante illa de Arousa. Percorrer O Grove e a Toxa, Cambados e Vilagarcía). Chegados a Vilagarcía e visitada a Illa de Cortegada, propoñeriamos que o barco quedara no porto de Vilagarcía (selar a terceira parada nesta vila) e dende alí que algunha navieira de pasaxeiros transportara aos nautas río Ulla arriba ata Pontecesures, para despois, en autobús ou andando, seguir o Camiño Portugués ata Compostela. Conseguindo a "Compostela".

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine