cartas al director

Turismo sostenible na Illa de Ons

04.03.2016 | 05:50

Con enorme ledicia recibimos a nova de que o Parque Nacional das Illas Atlánticas obtivo a Carta Europea de Turismo Sostible que é o selo principal para a conservación e promoción deste patrimonio natural.

Dende hai un tempo, as illas que pertencen ao parque nacional aumentan cada ano o seu número de visitantes. As Cíes e Ons, non sei si Cortegada, teñen o seu centro de visitantes onde se deberían expoñer e explicar todas as características desas illas.

A dirección do parque, como responsable deste, ten que organizar e programar o funcionamento destes centros, que para iso se crearon cun importante custo para a Administración. A raíz disto, sen culpar aos guías que cumpren co seu traballo e fan o que manda ou organiza a dirección do parque, quería explicar a problemática do pasado verán co fin de intentar que non volva a suceder.

A Deputación de Pontevedra leva uns anos organizando unhas excursións durante o verán con persoas do interior para que coñezan a costa. Entre os puntos a visitar está a Illa de Ons. A excursión é curta, arredor de tres horas, pero pode ser moi aproveitable se as cousas funcionan como é debido. A Ons chegan sobre as 11 e a navieira que os trae pon os seus guías á súa disposición para realizar unha pequena excursión pola illa e coñecer algunha das súas peculiaridades. Sobre as 12 lle dan un aperitivo e á 1 saen de novo cara ao seu porto de embarque para seguir visitando a costa.

As persoas que participan soen ser dunha certa idade o que provoca que, por diferentes motivos, algunhas non poidan ou non queiran realizar a excursión a pé. É unha pena que teñan que estar máis dunha hora deambulando pola zona de Curro ou metidos nos bares, e só porque ao parque non se lle ocorreu a idea de facilitarlles organizarlles a información sobre Ons e as demais illas, no centro de visitantes.

A Ons acoden, ao longo da etapa estival (xuño-setembro), un bo número de excursións, dende escolares ata da terceira idade. Para esta importante cantidade de visitantes o parque debería xa ter persoal adecuado, non só para ter aberto ocCentro, senón para guialos e informarlles adecuadamente. Para que fan tanto curso de guías se despois non contratan a ningún? Estamos falando de catro meses de verán.

Para máis gravidade, o ano pasado (2015) estivo pechado. Que pasou? Ese é o turismo sostible que quere a consellería? Sen ánimo de facer política, volver a repetir, que moitas veces as persoas de a pé non entendemos de macroproxectos ou macropolíticas, pero nestas pequenas cousas é cando comprobamos como nos enganan os políticos. Se Galicia vai tan ben, como non hai cartos para pagar aos guías que manteñan o centro de visitantes aberto e con bo funcionamento durante o verán?

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine