Concerto de Ano Vello

11.10.2015 | 04:22

Os anos oitenta foron inesquecibles para nós sinxelamente porque eramos xoves. Daquela todos queríamos ser músicos e os que non tiñan grupo montaban un novo. Para revivir esa pequena historia de rock'n'roll porriñés téñense organizado diferentes homenaxes sempre auspiciados por vellos rockeiros. Alí acostúmase invocar a Jimmi Hendrix, Janis Joplin e incluso Rosendo Mercado ou o punk, pero desta volta -fin de ano 2014- ata soou "Beat It" de Michael Jackson.

Os puristas remexíanse dentro da roupa de abrigo e anque tamén me confeso sorprendido, o certo é que un ten un riff que racha e un punteo, -na gravación orixinal-, memorable. Ben, nós non somos de bailar pero o que máis o que menos movía a perna. Xuntouse alí xente que nunca houbéramos pensado a corear os himnos.

A un servidor tocoulle subir ao palco para axudar a levar adiante o "Roadhouse Blues" dos The Doors: "Keep your eyes on the road your hands upon the wheel...", etc, e acompañamos á maneira do Robbie Krieger. A noite era fría e os dedos case non respondían pero naquel concerto ía un ar de familia que a todos caldeaba por riba de estilos, heavi, blues, stonianos, todos baixo o paraugas universal do rock. Aínda estes días unha amiga lembraba o ben que o pasara nesa ocasión feliz. Sempre fumos tolos polos Doors e Jim Morrison, o cantante, era un xove con arelas intelectuais que abrumado pola fama marchou a París. El houbera querido ser poeta, se cadra levar unha vida tranquila pero os poetas que admiraba tamén viviran a tumba aberta, a proba é que ao pouco tempo mudouse ao cemiterio de Pere Lachaise.

Vovendo ao Porriño, un meu compañeiro amante da Telecaster (modelo de guitarra eléctrica) di que coñecela é o xeito de honrala mentres que outro engade que as americanas son marcas xenuinas que non afinan ben. Ambos teñen razón, pois son músicos do mellorciño. Ora, non todo é rock. Un pode aprender solfexo e non chegar a nada pero o placer de cantar nun coro é impagable. Na escola municipal de música gardan o tesouro da polifonía. Que infindo manancial de voces. Arrequecido. Inesgotable. Decote novo. O misterio do canto coral. Non mais onte soaba na radio Santana. Aqueles baixos. A piques estaba un de esquecer a guitarra.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine