cartas al director

Don Telmo Bernárdez

07.10.2015 | 04:51

Don Telmo Bernárdez Santomé (Redondela, 1885 - A Caeira, Pontevedra, 1936), un ilustre redondelán que foi concelleiro e alcalde de Redondela, admirable profesional da medicina, redactor de periódicos locais "La opinión", "Gente nueva" e doutros; "médico dos pobres", líder agrarista, xuíz e fiscal municipal entre os anos 1910-1917, republicano e galeguista? Trala sublevación de xullo de 1936 foi detido e encarcerado en Vigo, San Simón e Pontevedra. Sometido a xuízo sumarísimo, foi condenado á pena de morte por traizón. Fusilárono en Pontevedra o día 12 de novembro de 1936, a súa morte foi rexistrada como "a causa de hemorraxia interna".

Este ano 2015 é o cuarto que o Concello de Redondela adica á memoria dun redondelán que en vida tivese destacado no mundo das artes, das ciencias, das letras ou en calquera outro ámbito cultural, filantrópico ou profesional.

O 28 de xaneiro rematou o prazo para a presentación de propostas por parte dos colectivos culturais inscritos no Rexistro do Concello e máis os centros educativos, (non chegaron a media ducia os participantes). Por que sería tan escasa a participación este ano? Catro candidatos eran os propostos: Telmo Bernárdez Santomé, Ernestina Otero Sestelo, Pedro Otero Rey e Manuel Barros Montero. Unha comisión de espertos-delegados(?) dos grupos políticos, presididos polo concelleiro de Cultura propuxéronlle un candidato ao pleno do Concello. A principios do mes de setembro puidemos ver na prensa que a persoa elixida foi don Telmo Bernárdez.

En xaneiro deste ano diciamos neste mesmo espazo que a manipulación á que fora sometida a candidatura para elixir ao redondelán do ano 2014 obrigaba a reformular o método de selección e pediamos que se nomease unha comisión de persoas cualificadas nos saberes polos que se concede esta distinción, por decoro e para ben e prestixio da consideración. Nin caso. Ata 23 entidades fixeron propostas o ano pasado (nunca se chega a unha ducia) a maior parte delas incumprindo as bases que regulan este nomeamento ("Poderán participar na elección os colectivos culturais inscritos no Rexistro do Concello e mais os centros educativos"). Moitas das que fixeron propostas non reunían as condicións que establece o regulamento desta distinción. A Asociación de Empresarios, Aldeas Infantiles de Galicia, Cáritas Parroquial Redondela e Vila Vella? Este ano ningunha das indicadas e moitas das que concursaron no 2014 non participaron, por que? Na acta de proposta ao Pleno do Concello por parte da comisión de expertos-delegados(?) dos partidos políticos non fixeron constar nada disto que dicimos.

Así as cousas, este ano 2015 o número de entidades que fixeron propostas é insignificante, por desinterese e creo que polas razón que apuntamos. Con todo, a tres meses de que remate o ano, polo menos podían dicirnos por que desde o 28 de xaneiro non se fixo aínda ningún acto, agás o acordo plenario: falta de tempo, exceso de traballo, créalle mala conciencia a memoria da persoa elixida? Creo que o mellor que se pode facer por dignidade e respecto a don Telmo é que os actos na súa memoria se pospoñan para o próximo 2016

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine