En memoria de Pilar Pazos (Pili)

28.04.2014 | 03:36

É ben certo que a nosa desaparición definitiva non ocorre mentres vivimos na memoria dos demais.
É o caso de Pilar Pazos, una boa redondelá que nos deixou nun mes de abril, especialmente no mes de abril, diría J.M.Serrat.
O 20 e o 21 deste mes xa son datas unidas polo recordo de Pilar Pazos e de Fernando Pereira, dúas persoas amigas e de compromiso social recoñecido.
Os que compartimos militancia e responsabilidades con Pilar Pazos na Asociación Alén Nós de Redondela desde o seu nacemento no ano 1996 gustaríanos manifestar que a súa amizade e o seu exemplo foi capaz de sobrepasar a barreira do tempo.
Foi vital a implicación de Pili para a propia creación de Alén Nós. Tamén na defensa de proxectos e traballos como a recollida de pezas para a creación do futuro(?) museo etnográfico de Redondela, para a defensa do Cemiterio dos Eidos, no proxecto inicial da posta en valor do Parque Arqueolóxico de Monte Penide, na creación da Festa das Luminarias da Peneda...
Se en Redondela existise o premio ou distinción ao "veciño necesario" ou ao "dirixente veciñal", a unha das persoas que teriamos que darllo será a Pilar Pazos, polo seu innegable labor durante moitos anos como activista e traballadora incansable de boas causas sociais, desde a Asociación de Mulleres Rurais "Sementeira" da que foi presidenta, ou desde a Asociación Alén Nós.
O labor que desempeñan moitos dirixentes veciñais non conta co recoñecemento necesario por parte da administración, non é valorado a gran achega económica que significa o seu cometido, non se considera suficientemente que o seu traballo é voluntario e que os move un interese único e exclusivo do benestar da súa parroquia e Concello, que traballan sen pensar nas horas que adican diariamente de forma altruísta ou mesmo nas incontables veces que deixan a súa vida privada e familiar de lado por estar ao servizo da comunidade. E non hai moitas persoas así na vida.
O dirixente veciñal forma parte do organigrama social e é indispensable para o desenvolvemento da comunidade e da participación cidadá. Sen a existencia de dirixentes veciñais non se poderían concretar en boa medida as solución aos problemas do Concello, porque son eles os que están en contacto directo coa poboación e coñecen as súas necesidades e problemas que os afectan.
Neste agradecemento queremos recordar a tódolos activistas e participantes na vida asociativa do Concello e en especial a compañeira Pilar Pazos, impulsora en Redondela de proxectos sociais e culturais para que Galicia teña "mil primaveras máis".

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine