tribuna del lector

A aldea de Sálvora

Celestino Pardellas de Blas

13.04.2014 | 02:51

No ano 2008, a illa de Sálvora pasa á Xunta de Galicia. Como illa, que xa dende 2002 pertencía ao Parque Nacional das Illas Atlánticas, vai ser este organismo o que se faga cargo do seu mantemento e conservación. Os seus responsables tiñan a obriga de facer un estudio das necesidades máis urxentes e comezar a buscar solucións.
Un ano despois de pasar á Xunta, o presidente do "organismo fantasma" (o Padroado das Illas Atlánticas) sae á palestra en todos os medios dicindo o seguinte con respecto á aldea de Sálvora que comezaba xa o seu preocupante deterioro: "...ahora, será un arquitecto gallego ´de prestigio´ quien trace las líneas generales para su recuperación... La dirección del parque invitará a alrededor de media docena de los ´mejores arquitectos´ de Galicia a participar en un concurso que sentará las bases de la futura recuperación del asentamiento. Nada de actuar con "parches" y arreglar ahora una casa y después otra. El plan director de la restauración "debe de pensarse mucho" y tener un objetivo claro. La intención es marcar una hoja de ruta que se irá completando "año a año", sin prisas, sin proyectos caros y centrada exclusivamente en la aldea y la salazón, sin atender a la otra construcción de la isla, un faro.
Non temos nin idea se dende a dirección do parque cursaron invitación a esa media ducia dos mellores arquitectos de Galicia, o que si teño claro, despois da visita que fixen no mes de marzo deste ano a Sálvora, é que as casas da aldea desta illa están sufrindo un deterioro imperdoable por parte de quen corresponda que, segundo Parques Nacionais, a responsabilidade sobre o arranxo destes inmobles recae sobre o organismo estatal Costas.
O Parque Nacional é patrimonio de todos pero, entre eses todos, están os que teñen a obriga de que funcione e que se arranxen todas as problemáticas que poden deterioralo, e non só as ecolóxicas, senón tamén as socio-histórico-etnográficas. A aldea de Sálvora, segundo Fernando Alonso Romero é "el poblado isleño más interesante y antiguo de todas las islas gallegas€ la isla tenía ya población en la Edad del Bronce€ La distribución arquitectónica de sus viviendas es un ejemplo único en Galicia de aprovechamiento de un espacio común para defenderse de las condiciones climáticas del entorno".
O Parque Nacional ten a obriga, como organismo encargado da conservación das illas, de evitar o deterioro deste conxunto etnográfico único.
Dende aquí pedímoslle que realice os contactos necesarios, con quen corresponda, para que a aldea de Sálvora, coa única arquitectura mariñeira conservada de Galicia, non acabe en ruínas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine