Amador e Daniel e o clan da curuxa

Iolanda Teijeiro Rey
Ferrol

12.04.2014 | 02:44

Corenta e dous anos e un mes após o asasinato de Amador e Daniel, a Xunta de Galicia vén de rexeitar a concesión da Medalla de ouro de Galiza. Unha xostregada máis á clase obreira e ao Ferrol de Ferro que cantaba Ferrín. O alcalde de Ferrol, tamén do PP, tivo a afouteza de facerlles unha ofrenda floral perante a estatua que os lembra o pasado día da Clase Obreira Galega. Dúas rosas no Ferrol de ferro murchas, disque para evitar o rancor. Aurelio Núñez, portavoz do PP e bisneto dun condenado a morte por defender a República, disque.
Matino e matino e non atopo a relación entre a lembranza e o rancor. Entre a xustiza e a violencia. Máis ben coido que o esquecemento é unha demencia senil que che desposúe do teu ser. Non é posibel esquecer a dous obreiros de Bazán asasinados por unha dictadura. O seu delito foi loitar polos dereitos democráticos que tanto cacarexaron os que lle negan a medalla no funeral de Suárez.
¡Boas noites!, dicíanlle as pantasmas que espertan cando canta a curuxa. Elsinor é somentes unha niñada de esperteiros e curuxas, sentenciaba Cunqueiro no Incerto Señor don Hamlet. Símbolo de rancia nobreza e antigüidade, como ben nos enxergan Xesús Domínguez e Ana Fachal nun fermoso estudo sobre a fauna en Cunqueiro.
Curiosa coincidencia ou casualidade taoísta? Polas engaioladoras terras de San Sadurniño acaban de ceibar a dúas curuxas desafiuzadas por mor da restauración do Pazo da Condesa. Unha preñez de nove meses tiveron que agardar estes paxaros da morte para voltar á súa moradía. Pode que elas boten en falla a ruína, as arañeiras, as malas herbas que o esquecemento tiña cultivado na pedra. Mais a vella Atenea, nouturnia e pantasmal, a dona da noite que co laio estarrecedor pon medos na afouteza encherá novamente as noites sadurniñas trisquelando misterios inmorredoiros.
Robert Graves, o fillo adoptivo de Menorca, cóntanos que os pelasgos, en Atenas, practicaban a cacería anual da curuxa. Disque existiu incluso un clan da curuxa! Os iniciados, disfrazados de curuxas realizaban unha cerimonia para atrapar á súa ave totémica.
Seica tiñan o tabú de non pronunciar verbas que lembraran aos mortos, maiormente se eran da parentela, incluso se morreran de morte natural. Amador e Daniel non tiveron esa sorte.
Agora, no meu lecer, maxino a noite sadurniña e ferrolterrá enchida de laios estarrecedores de curuxas e aos galegos bos e xenerosos de Pondal dados a oulear, noitaregos, chamando a embarcar na buceta para facer a viaxe infernal cara a illa da eterna mocidade onde a sabiduría habita, como propiedade que é dos mortos, no Alén, onde nos ollan, entre a céltica brétema, Amador e Daniel, coa fouce esquencida do poeta da Raza.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine