Día das Letras Galegas O valor da coherencia

Xosé González Martínez*

18.05.2013 | 06:30

O Día das Letras Galegas foi instituído para avivar o sentimento colectivo de galeguidade. Que se logre ou non depende do interese que lle poñan á celebración as institucións públicas e entidades culturais.
A data debera servir para que o sector da cidadanía máis activo e proclive ó discurso galeguizador reafirme as súas convicións persoais na causa que motiva a celebración. Sería un erro seguir considerando que a efeméride ten como único obxectivo o espallamento das obras literarias. Fraco favor se lle fai á lingua galega restrinxíndoo ó ámbito literario.
Ben está que se organicen manifestacións en defensa da lingua galega e se celebren conferencias para exaltar as virtudes do homenaxeado. Pero máis importante é que a cidadanía asuma de maneira consciente o galeguismo, empezando pola avangarda do movemento. Os comportamentos gregarios poden resultar perversos cando individualizadamente as persoas actúan contraditoriamente, como logo sinalaremos.
Hai que trasladarlle á xente a necesidade de contar co seu decisivo protagonismo persoal na defensa da nosa identidade cultural. Neste sentido o maxisterio galeguizador tamén require dunha renovación pedagóxica. Temos que incentivar o protagonismo galeguizador individual para converter a cada activista en exemplo crible para os demais. O futuro da lingua galega non se xoga unicamente no campo da cultura. Existen outros sectores estratéxicos cos que hai que contar. A galeguización da economía é unha asignatura pendente, apenas iniciada no primeiro terzo do século pasado e interrompido posteriormente, que o Foro E. Peinador quere pular.
As tendencias nas políticas lingüísticas dos últimos trinta anos fixeron moito fincapé na galeguización duns sectores e no esquecemento doutros. O resultado está á vista: moitas xeracións alfabetizadas en galego pero pouco compromiso dos cidadáns nos actos que afectan á esfera persoal en tanto consumidores, por poñermos un caso.
Os comportamentos responsables dos consumidores poden ser decisivos. A liberdade na opción das compras pode e debe condicionar a lei da oferta e demanda. Amosar preferencia polos produtos galegos, amais de fixar poboación no rural e facer viables as explotacións e industrias de transformación, debería servir tamén para premiar aquelas marcas que etiquetan os seus produtos na nosa lingua.
O Foro E. Peinador quere trasladar ás institucións públicas e axentes dinamizadores da nosa cultura, a necesidade de estimular un proceso galeguizador máis consciente na esfera do consumo. Calquera acto social debería facerse apoiando a aqueles produtos que etiquetan na nosa lingua.
A oportunidade que nos ofrecen as grandes manifestacións populares deberían ser aproveitadas para desenvolver estas prácticas pedagóxicas.
Etiquetados en galego, por favor. Velai a resposta acaída cada vez que nos pregunten polas nosas preferenzas.

* Presidente do Foro E. Peinador.

S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine