O Guggenheim de Redondela

Andrés Couñago Laxe - Redondela

27.03.2013 | 07:38

No medio dunha gran polémica con moita bronca por mor da redacción do Plan Xeral de Ordenación Urbana (era o segundo intento, o terceiro está aparcado, sine die, a pesar de ser prometido na última campaña electoral), foi inaugurado o día un de xullo de 1999, o Multiúsos da Xunqueira, en Redondela. No discurso de inauguración, o alcalde naquel momento, Amado Ricón, comparou aquel edificio co Guggenheim de Bilbao. Non tivo seguidores a cousa, era unha boutade.
O de Bilbao foi pensado para museo de arte contemporánea, o de Redondela é o mal resultado dunha reforma do vello Instituto e é outra cousa. O de Bilbao foi deseñado por un arquitecto, Frank Gehry, o de Redondela poñemos en dúbida que sexa a conclusión de ningún estudio arquitectónico. O de Bilbao esta forrado exteriormente con chapas metálicas de titanio, o de Redondela con chapas metálicas das que se usan para cuberta dos galiñeiros e dos garaxes. No de Bilbao non chove dentro, no de Redondela chove a caldeiros. O de Bilbao non se desfai pola humidade, o de Redondela descomponse interiormente porque leva anos chovendo en distintas partes do seu interior... E unha particularidade de moita consideración, cando menos para os responsables políticos, chamémoslle de turismo, e tamén para os outros: o Guggenheim de Bilbao conta con guías en galego, algo que non ocorre no Prado ou o Reina Sofía de Madrid, por poñer só dous exemplos destacados dos que se debería copiar, o exemplo do Guggenheim, se se entende a realidade plurilingüística do estado español recoñecida pola Constitución, ou non? Daquela, pode ser comprensible polo que dicimos que non prendera a idea de Amado Ricón. É dicir, por parecérense os materiais empregados no exterior dos seus muros non era suficiente para a comparación.
Con todo, o Multiúsos da Xunqueira, o noso ´´Guggenheim´´ presta múltipes servizos de tipo cultural e asociativo: auditorio, biblioteca, sala de exposicións, salas de reunións, aulas varias... ademais de ser o recibidor de moitos actos oficiais do propio Concello. Estas funcións con toda seguridade que terá que seguir a cumprilas por moitos anos porque o do auditorio na Marisma seguro que non se inaugurará ata que Xaime Rei volva a ser alcalde.
Non é facil de entender por que este edificio municipal se atopa nas condicións de deterioro e abandono nas que se encontra. E dicimos máis, co rogo de que non se malinterprete, nunca se nos ocorrerá dicir que como nos chove a nós na casa queremos que lle chova tamen aos demais, non, todo o contrario. Se van aparecer preto dun millón de euros para a reforma do campo de fútbol do Choco, por que non ten que aparecer a cantidade suficiente parar prestar o mantemento, arranxar e adecentar este edificio? Cando menos para que non nos chova dentro.
Os servizos públicos, chámense Multiúsos ou Guggenheim, denotan a capacidade e talento dos seus xestores e o nivel de calidade de vida dunha poboación.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine