Beizóns e parabéns

Manuel Iglesias Nanín - O Carballiño-Ourense

18.03.2013 | 08:20

O novo Papa xa está aquí. Xesuíta, ademais, con todo o que iso implica e supón, ou debería supor, dada a traxectoria dos mesmos ao longo da historia. Nada concordantes eles co oficialismo proclamado dende os sillóns do Vaticano.
É momento agora de beizóns. E parabéns. Aínda non atopei mensaxe crítica seria arredor do novo pontífice. Teólogos, crentes convencidos, tertulianos a soldo, achegados que compartiron con el, sacerdotes de capa branca, políticos dun padecer e doutro, incluso o veciño co que comparto café cada mañá, co que nunca falo, pero que polo andar do día a día nos recoñecemos, todos estes e incluso máis teñen algo que dicir. Boto de menos a voz da muller. Non a vin nin oín asomar por ningún medio. Mais está. Seino. E sairá para que todos a escoitemos.
Arrebátame o optimismo vital que se trasega no ambiente. Descoñezo de onde agroma tanto repique de campás. Descoñezo tamén o significado do termo progresismo dentro dos grandes pazos onde se pretende debullar a palabra de Xesús. Descoñezo aínda máis o que significa para un sacerdote viaxar en metro, ser socio dun equipo de fútbol, lavar o pé doutro nun acto de humildade ou saír a un balcón soberano sen vestimentas nin aneis relucentes para facer un manifesto de boas intencións. Descoñezo tantas e tantas cousas que para tantos son bos sinais. Agardemos e veremos. E daquela seremos quen de abrazarnos os uns aos outros. Ou, quizais, seremos tamén quen de explicar e xustificar a indixencia moral de quen máis a predica. Porque de todo e para todos hai na viña do señor.

S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine