Falta de respeto a San Miguel de Oia

O pasado 24 de agosto o Conselleiro de Ordenación do Territorio Agustín Hernández acudiu ao Club Marítimo de Canido a reunirse (según él) cos vecinos de San Miguel de Oia para expoñer os pormenores da estrada de Canido.
¿Cómo é posible que se faga unha presentación de proxectos que atinguen a nosa parroquia na sede do Club Marítimo de Canido?
¿Non será que vostedes xa consideran ao barrio de Canido como unha parroquia e o máis adecuado que encontran para reunirse é o Club Marítimo de Canido?
Indignante e vergoñento a falta de respeto á parroquia de San Miguel de Oia.
Lamentable que dende a administración pública se trate de ignorar a parroquia de San Miguel de Oia e aos seus cidadás de forma tan despreciable.
Pero si despreciable é este comportamento dos representantes públicos (neste caso a Xunta de Galicia) moito máis grave é o papel impresentable da directiva da Asociación Veciñal sendo cómplices de esta actuación.
Non podo entender como os nosos representantes non son quen de facerse respetar a si mesmos e defender o respeto e a dignidade que merecen os nosos vecinos. Están vostedes deixando en ridículo o prestixio de esta Asociación e aos seus vecinos.
É moi lamentable que o respeto e prestixio que tivo esta Sociedade pola cidadanía da parroquia e dos vigueses e tamén polas institucións se tire pola borda de forma vergoñenta.
Por último recordarlles aos representantes da Xunta de Galicia que cando queiran presentar proxectos que abranguen a nosa parroquia dispoñemos de un local da Asociación de Veciños do cal me sinto profundamente orgulloso como socio e como veciño.