A privatización dos montes veciñais

Dende a Organización Galega de comunidades de montes vimos defendendo que a Consellería do Medio Rural, na presente lexislatura política, ten como ouxetivo a privatización dos montes veciñais en man común. A Consellería do Medio Rural manifestou reiteradamente que iso non era certo. Ante esta diferencia de criterios, convidámola a que asistise ó IV Congreso Galego de comunidades de montes para que diante de representantes de comunidades de montes de Galicia, que tivo lugar os pasados días 22 e 23 de maio no concello de O Carballiño, expusexe a súa postura. En nome da Consellería do Medio Rural asisteu ao IV Congreso Galego de comunidades de montes o Sr. Director Xeral de Montes. Coas palabras que dixo no seu discurso, e sobre todo polo silencio que gardou, reafirmounos no noso pensamento. É decir, reafirmounos que a intención é proceder á privatización dos montes veciñais.
O Sr. Director Xeral de Montes dixo que os montes veciñais non se ían a privatizar porque son xa bens privados. Esto non é certo xa que os montes veciñais en man común non son bens privados nen bens públicos, son titularidades colectivas e abertas. Son titularidades comunitarias.
O Sr. Director Xeral de Montes non respondeu á pregunta, se a nova lei de montes que se está elaborando vai dotar ás comunidades de montes de personalidade xurídica ou vai manter e mesmo reforzar a capacidade xurídica. Como o que cala, otorga, para nós quedou claro que a nova lei de montes vai dotar ás comunidades de montes de personalidade xurídica e xa que logo vai a desnaturalizar este tipo de titularidade singular. Dotar ás comunidades de montes veciñais en man común e eliminar o carácter xermánico de este tipo de titularidades (indivisibles, inalienables, imprescriptibles e inembargables). Dotar ás comunidades de montes de personalidade xurídica e situalas no tráfico do comercio, é decir, que se poidan vender e mercar. É decir, que se poidan privatizar.
A Consellería do Medio Rural tivo unha boa oportunidade para nos desmentir. E tíñao fácil. Somentes tiña que decir no IV Congreso Galego de comunidades de montes que a nova lei de montes veciñais en man común ía a reforzar o carácter xermánico da titularidade veciñal e ía a manter e mesmo reforzar a capacidade xurídica das comunidades de montes. Mais non o fixo. E non o fixo porque o seu ouxetivo é sacarlle os montes ós veciños e veciñas comuneros. Porque o ouxetivo é privatizar os montes veciñais.