O Ministerio de Interior, dende que comezou a obter datos para arquivalos e poder analizar o fenómeno do tráfico estatísticamente, ven enrugándonos o ánimo cos datos da perda de vidas humanas nas estradas, un ano detrás doutro. Pero a pesares das cántigas que nos contan os "do goberno de España", coidamos que hai posibilidades aínda non postas en práctica que poderían dar resultados positivos e bastante simples e económicas.
Tendo en conta que a señora Dirección Xeral de Tráfico nos ten a todos os conductores máis ca controlados, para o que lle convén ¿sería moi costoso e molesto remitirlle a cada conductor un exemplar das modificacións do Código de Circulación (nin sei se aínda se chama así) cada vez que se producen modificacións? É probable que alguén, por falta de responsabilidade, non as lese, pero unha mayoría maioritaria estou seguro de que si as lería, se as recibise na súa casa, porque se estudar todo o texto resulta tedioso, ler un folio ou dous coas modificacións coido que non.
Todos temos recibido cartas innecesarias de ministros responsables de determinada materia, comunicándonos cuestións que son pura propaganda política, como pode ser a de que nos van subir o soldo ou pensión por mor da súa graciosa decisión e con cartiños do seu peto; cuestión que xa estamos fartos de a coñecer polos medios e comprobamos con ledizosa frustración, a fin de mes, ó ir cobrar. Da DGT nunca recibín ningunha en 40 anos de titular do carné ¿por qué?
Sen embargo para poder pórmonos ó día das modificacións do Código de Circulación algo que pode salvar vidas para iso dirannos que non hai cartos ou que temos que ir á autoescola.
Así se escribe a "responsable" historia da traxedia dos accidentes de tráfico.
Os contribuintes vémolo moi claro, doado e positivo. Se cadra, os administradores non o ven; veno difícil ou quizáis negativo para os intereses das autoescolas que sendo contribuintes acontece o mesmo ca con Facenda que somos todos, pero uns máis ca outros. Ou ¿tal vez para a propia DGT? ¡A tanto non chegarán!
Así que fagan o favor de nos remitir as modificacións que sufra o Código de Circulación para podérmolasestudar e andar polas estradas con pleno coñecemento dunha materia que tanto interés ten para todos. Gracias dende xa.
