"Peirado século XXI" ou a forza da unión

A carta publicada o pasado día 19 de setembro, e asinada por Marcelino López, deume unha grande alegría, ó comprobar que moitas outras persoas pensan coma min.
Por iso esta é unha carta de agradecemento. Agradecemento a FARO DE VIGO, por esta ágora na que falar. E agradecemento á capacidade e á sensibilidade e a intelixencia das/dos viguesas e vigueses, que saben recoñecer as bondades dun Plan que aportaría á cidade prestixio, fermosas zonas de lecer e moitos, moitísimos beneficios sociais e económicos. Quero pensar que moitas/os mais cidadás/cidadáns como Marcelino López, comprenden e se decatan de canto necesitamos en Vigo que se desarrolle o proxecto "Peiráo Século XXI", que Jean Nouvel diseñou para a nosa cidade. Pero non só iso, senon que ademáis é imprescindible que se faga canto antes. Unha cidade cun peirao de trasatlánticos con tanto movemento como a nosa, precisa dun peirao acorde cóa súa categoría, e os "duques de alba" non son unha solución, senon un remendo.Vigo precisa que se poña en marcha o "Plan Nouvel" xa!. E eu como cidadá viguesa únome a Marcelino López na súa reclamación, porque entendo da forza que ten a unión de todalas/los viguesas/es nesta reclamación.
Asimesmo igual que Marcelino López considero que non estou capacitada para concluir da "inviavilidade" ou "ilegalidade" nas que pode incurrir ou non o proxecto. Pero é que eu non teño porque entender diso. Para iso están as/os encargadas/os de poñelo en marcha, para solucionar e corrixir todo aquilo que faga falta ou non corrixir. Está claro que alegar este tipo de inconvintes inexistentes, son desculpas de quen non quere poñelo en marcha senon enterralo nun caixón.
Xa está ben!
As/os cidadás/cidadáns de Vigo esiximos que se poña en marcha o Plan Nouvel!
Porque tamén é noso!
Porque é un dereito que nos corresponde!
E porque as/os viguesas/es si nos consideramos dignos do mellor, e non aceitamos chapuzadas!.