Volvendo as andadas

E xa van …, non sei cantas veces, xa perdín a conta; resulta que se ven escoitando últimamente a algún membro do Goberno de España, dicir que sería bo conxelar o salario dos funcionarios para o ano que vén. Paréceme estupendo, sobre todo porque este feito comportaría a conxelación das nosas hipotecas,impostos, etc.; aaaah non, iso non, as hipotecas seguirán ao seu ritmo, á súa bóla (como se di agora); pois iso xa non esta tan ben, entre outras cousas, porque intentar arranxar a maltreita economía do país á costa dos de sempre é moi fácil (iso faime lembrar algún funcionario do grupo A cando un alcalde lle di "preparame un orzamento austero" e vai o iluminado e o que fai é recortar, si, recortar en todo menos no que lle toca a el). Eu aínda nunca escoitei dicir a ningún político que se rebaixarían os soldos destes, ou que se deixasen de cobrar as asistencias a comisións, nin nada parecido e é que hai que lembrar, que os señores da clase política están aí porque eles queren estar (nós é do que vivimos), porque queren encherse os petos á costa de todos os cidadáns e ademáis despois de acabar a súa "carreira" política lle queda unha especie de soldo vitalicio, ten narices; e agora véñennos con esta indecencia, porque para min e para moitos traballadores (non só funcionarios) isto é unha indecencia, como indecencia paréceme que o salario mínimo dun traballador sexa de 624 euros mes e o dun deputado 3.996 euros mes podendo chegar con dietas e outras prebendas a 6.500 euros mes; indecente é que os políticos se suban as súas retribucións na porcentaxe que lles pete, (sempre por unanimidade de todos os partidos, por suposto e ao inicio da lexislatura).
Indecente é comparar a xubilación dun deputado e o dunha viúva. Indecente, é que un cidadán teña que cotizar 35 anos para percibir unha xubilación e aos deputados lles chegue con sete e os membros do goberno para cobrar a pensión máxima só necesiten xurar o cargo.
Indecente é que os deputados sexan os únicos traballadores deste país que están exentos de tributar un terzo do seu soldo do
IRPF; indecente é que as súas señorías cando cesan no cargo teñan un colchón do 80% do soldo durante 18 meses … e así poderíamos seguir durante horas; pero o que xa é para partirse de risa, é que por rriba de todo iso, nos dígan que van a subir os impostos, porque hai que ser solidarios; como din nunha serie televisiva "… pero que gentuza".