A pinza en Gondomar

 

M.ª Eugenia Fernández Lijó - Peitieiros (Gondomar)

Nun Pleno abarrotado de veciños, puidemos observar atónitos como o PP, a dereita que en Gondomar está baixo o peso da xustiza por corruptelas, facíalle a pinza xunto co grupo municipal socialista ao goberno do BNG.
Que a dereita de Gondomar se dedique a votar contra as propostas que favorecen aos veciños é normal nesta opción política. Agora ben que os señores e señora do partido socialista fagan a pinza coa dereita aos gobernantes que realizan propostas sensatas para sacar adiante solucións aos problemas dos cidadáns, non é de recibo.
Como é posible que despois da "mensaxe de talante" que nos vendeu o señor Zapatero, actúen tan irresponsablemente estes personaxes? Como é posible que traicionando as normas máis elementais de democracia e ética política, traicionen aos veciños desta maneira, votando da man da dereita contra un goberno que só procuraba dar unha solución legal ao estancamento urbanístico que creou a propia dereita?
Aquí en Gondomar estase cocendo algo gordo que non ten nada que ver co talante dos socialistas.
Aquí estamos a ver como o pasteleo urbanístico pode producir máis corruptelas, porque esta actuación dos partidos da pinza trae agachadas actuacións que, se o señor Pablo Iglesias, fundador do PSOE, levantase cabeza tolearía ipso facto, de ver como actúan estes personaxes. O PSOE aquí está caendo no lixo.
A irresponsabilidade, a falta de talante democrático da dereita é algo tan vulgar e evidente que para saber como actúan de costas aos problemas veciñais non hai máis que observar os Mercados de Baiona ou Sabarís. Esas indecencias para os veciños, amosan o que lles interesan.
A dereita extrema que dominou sempre estes lares non sabe moito de dignidade e democracia, senón asistiría ás homenaxes dos asasinados polo terrorismo franquista da Volta dos Nove, do que non quere enterarse.
Agora ben que o PSOE de Gondomar amose ese mesmo desinterés polos problemas veciñais, desde a súa vagancia en política, desde a súa nula capacidade de diálogo, e desde esa coincidencia constante nos plenos coa dereita máis retrograda... fai que nos sintamos os veciños profundamente de-
samparados por estes partidos que fan que odiemos a política e sintamos repugnancia por todo o que pretenden cocer estes personaxes da pinza.
Resulta impresentable que estes concelleiros, pola aparente xogarreta política de facerlle a puñeta ao BNG que está gobernando, non teñan nin a intelixencia, nin pizca de talante democrático, nin a mínima responsabilidade, para darse de conta que a quen están perxudicando é a todos os veciños e veciñas de Gondomar. E aínda por riba queren ter máis plenos, como manifestaron en nota de prensa, porque parece ser que a estes personaxes o único que lles importa é cobrar. Iso si, dos veciños aos que non respectan en absoluto. Pois estes dixeron nas urnas quen non querían que gobernase.

  HEMEROTECA
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya